23/09/2019 7:55 PM

2019 வருட ராசிபலன்: கும்பம்

ஆங்கில புத்தாண்டு ராசி பலன்கள்
(01.01.2019 முதல் 31.12.2019 வரை)


கன்னி லக்னத்தில் வருடம் பிறக்கிறது. ஸ்வாதி நக்ஷத்திரம் துலாம் ராசியில் பிறக்கிறது.  ராகு கடக ராசியில் மார்ச் 09, 2019 வரை சஞ்சரித்து அதன் பின் மிதுன ராசியில் சஞ்சரிப்பார். அதே போன்று கேது மகர ராசியில் இருந்து, தனுசு ராசிக்கு இடம் மாறுகிறார். சனி பகவான் தனுசு ராசியில் இந்த 2019 வருடம் முழுவதும் சஞ்சரிப்பார். குரு விருச்சிக ராசியில் மார்ச் 27, 2019 வரை சஞ்சரிப்பார். அதன் பின் தனுசு ராசிக்கு அதி சாரமாக பெயர்ச்சியாகி, வக்கிர கதி அடைந்து மீண்டும் விருச்சிக ராசிக்கு ஏப்ரல் 25, 2019 அன்று வந்து விடுகிறார். குரு ஆகஸ்ட் 11, 2019 அன்று வக்கிர நிவர்த்தி அடைந்து, பின் தனுசு ராசிக்கு நவம்பர் ௦4, 2019 அன்று இடப்பெயர்ச்சி ஆகிறார். 

கும்ப ராசி (அவிட்டம் 3,4, சதயம், பூரட்டாதி 1,23 பாதம் முடிய) :

கடந்த வருடத்தை போல இந்த வருடமும் மிக சிறப்பான பலன்களை பெறுவீர்கள். இருந்தாலும் பத்தில் இருக்கும் குருவால் உத்தியோகத்தில் தொழிலில் சிறு சிறு பிரச்சனைகள் வரும் சமாளித்துவிடுவீர்கள், லாபத்தில் இருக்கும் ராசிநாதன் சனி அதிக நன்மை செய்கிறார். மேலும் மார்ச் முதல் ராகு பூர்வ புண்யஸ்தானத்திலும், கேது லாபத்தில் வருவதால் குடும்பத்தில் இதுவரை இருந்து வந்த பிரச்சனைகள் சரியாகும். ஏதேனும் வழக்குகள் தகறாருகள் இருந்தால் அவை சாதகமாக முடியும். பொதுவில் நன்றாக இருந்தாலும் மற்ற கிரஹ சஞ்சாரங்களை கணக்கில் கொண்டு எதையும் ஒருதடவைக்கு இருதடவை யோசித்து முடிவெடுக்கவும்.

உடல் ஆரோக்கியம்:

ஆரோக்கியம் நன்றாக இருந்தாலும் பத்தில் இருக்கும் குருவால் பயம் பதட்டம் இருந்து கொண்டே இருக்கும். கடவுள் ப்ரார்த்தனை தியான பயிற்சிகள் மூலம் இதை சரிசெய்யலாம். ராகு 5ல் வருவதால் குழப்பங்கள் ஏற்படும். மஹாதசை பலவீனமாக இருந்தால் உங்களுக்கோ அல்லது உறவுகளுக்கோ கொஞ்சமாக உடல் பாதிப்புகள் ஏற்படலாம். மருத்துவ ஆலோசனை படி நடப்பது நலம் தரும். பெரியதாக உடல் பாதிப்புகள் ஏற்படாது என்பதை உறுதியாக சொல்லலாம்.

உறவுகள்:

பெற்றோர், மனைவி/கணவர், சகோதரர், குழந்தைகள் என்று எல்லோரும் மகிழ்ச்சியை தருவர். ஏப்ரல் வரை குருவால் கொஞ்சம் பாதிப்பு இருந்தாலும் ஏப்ரல் – செப்டம்பர் வரையில் நல்ல நிலை இருக்கும். பிள்ளை/பெண்ணுக்கு திருமண ஏற்பாட்டை செய்வீர்கள். இல்லத்தில் சுப நிகழ்வுகள் நடக்கும். தொழில் நிமித்தமாக சிலருக்கு தற்காலிக பிரிவு ஏற்படலாம். குடும்ப அங்கத்தினர்கள் உங்கள் பேச்சை மதிப்பர். அக்டோபர் 2019 முதல் கொஞ்சம் சச்சரவுகள் இருக்கலாம். கவனத்துடன் செயல்பட்டால் சரிசெய்யலாம்.

உத்தியோகம்:

சனிபகவான் மற்றும் கேது பகவான் லாபத்தில் இருந்து மிக சிறந்த பலனை தருவர், எனினும் 10ல் குரு சஞ்சரிப்பது சற்று பலவீனமானது. வேலை பளுவை அதிகரிக்க செய்யும். ஏப்ரல் முதல் செப்டம்பர் வரை பதவி உயர்வு சம்பள உயர்வு, பிடித்த இடமாற்றம் என்று நன்றாகவே இருக்கும். வேலையிலும் அதிகம் ஆர்வத்துடன் செயல்படுவீர்கள். வருட கடைசியில் கொஞ்சம் வேலை பளு மற்றும் சக ஊழியர்களின் ஒத்துழைப்பு இன்மை மேலதிகாரி மூலம் மன அழுத்தம் என்று இருக்கும். கவனம் தேவை.

தொழில்/வியாபாரம்:

குரு 10ல் இருப்பதால் தொழிலில் பலவீனம் இருக்கும். சனியால் லாபம் உண்டானாலும் குரு கொஞ்சம் சங்கடங்களை தருவார். மனைவி/கணவர் பெயரில் தொழிலை தொடர்ந்து நடத்துவதும் ஒரு ரிஸ்க் தான். ஏப்ரல் முதல் குருவும் லாபத்தில் வருவதால் சிறப்பான நிலை உண்டாகும். புதிய தொழில் விஸ்தரிப்பும் வங்கி கடன் எளிதில் கிடைப்பதும், கூட்டு தொழிலில் முன்னேற்றமும் இருக்கும். கணக்கு வழக்குகளை சரியாக வைத்து கொள்வது அக்டோபர் 2019க்கு பின் உதவும்.

கலைஞர்கள்:

சனி மற்றும் கேதுவின் சஞ்சாரம் அனைவருக்கும் உத்வேகத்தையும் புதிய வாய்ப்புகளால் மகிழ்ச்சியையும் வருமானத்தையும் கொடுக்கும். எனினும் குருபகவான் 10ல் சஞ்சரிப்பது கொஞ்சம் பின்னடைவை தரும். இருந்தாலும் ஏப்ரல் முதல் செப்டம்பர் வரையிலும் பின் நவம்பர் 4 முதலும் நல்ல சூழல் அதிகப்படி வருமானம், புதிய வாய்ப்புகள் பெருகுதல் போன்றவை இருக்கும்.

அரசியல்வாதிகள்:

கட்சி மேலிடத்தில் நல்ல பெயர் இருக்கும், தொண்டர்களிடம் செல்வாக்கு உயரும் பண புழக்கம் தாராளம் தேர்தலில் நின்றால் வெற்றி நிச்சயம். எனினும் குரு 10 இருப்பதால் பெயருக்கு களங்கம் வரும்படியான செயல்கள் நடக்கும். நவம்பர் 4க்கு பின் உயர்ந்த நிலைக்கு செல்லலாம். இந்தவருடம் நன்றாகவே இருக்கிறது.

மாணவர்கள்:

செப்டம்பர் 2019 வரை குரு நல்ல நிலையில் இல்லாததால் படிப்பில் கவனம் சிதறல் உண்டாகும். அதிக அக்கறை எடுத்து படிக்க வேண்டும். நண்பர்களால் பிரச்சனை உண்டாகும். நல்ல மதிப்பெண்களை பெற கடுமையாக உழைக்க வேண்டி இருக்கும். சனி பகவான் நல்ல நிலையில் இருப்பதால் சமாளித்துவிடுவீர்கள். நவம்பர் 4க்கு பின் படிப்பில் நல்ல நிலை தோன்றும்.

விவசாயிகள்:

புதிய பணப்பயிர்கள் மூலம் லாபம் உண்டாகும், விளைச்சல் அதிகரித்து வருமானம் பெருகும். இருந்தாலும் 10ல் குரு கால்நடைமூலம் அல்லது புதிய முயற்சிகள் செய்வதன் மூலம் செலவை உண்டாக்குவார். சனி, கேது சஞ்சாரத்தால் மற்றும் செவ்வாயின் நிலை இவற்றால் எதையும் சமாளித்து நல்ல நிலையை உண்டாக்கி கொள்வீர்கள். புதிய முயற்சிகளை வருட கடைசியில் வைத்து கொள்ளவும். வழக்குகள் சாதக நிலை உண்டாகும்.

பெண்கள்:

சிறப்பான வருடம் என சொல்லலாம். சனி கேது இணைவு மற்றும் வருட ஆரம்பத்தில் செவ்வாயின் நிலை இவற்றால் அதிக மகிழ்ச்சி குடும்பத்தில் சுப காரியங்கள் நடக்கும். கணவன் மனைவி ஒற்றுமை ஓங்கும், பிள்ளைகள் சொல்பேச்சு கேட்பர். பத்தில் குரு இருப்பதால் உறவுகளுக்கிடையில் சிறு சிறு பிரச்சனை உண்டாகும். இருந்தாலும் சனியால் அதையும் சமாளித்துவிடுவீர்கள். உழைக்கும் மகளிருக்கு தேவை பூர்த்தியாகும். வேலை பளு குறையும். விரும்பிய இடமாற்றம் உண்டாகும்.

வணங்கவேண்டிய தெய்வமும் ப்ரார்த்தனைகளும்:

மகாலக்ஷ்மியை வணங்க வேண்டும், லக்ஷ்மி அஷ்டோத்திரம் போன்றவை சொல்லலாம், சனிக்கிழமைகளில் ஆஞ்சநேயரை வணங்கி ராமநாமத்தை சொல்வதும் நன்மை தரும். அன்னதானம் செய்யுங்கள்.

.வருட பலன்கள்-2019 கணித்து வழங்குபவர்… 
லக்ஷ்மீ ந்ருஸிம்ஹாச்சாரி
ஸ்ரீசார்வபௌம ஜோதிட நிலையம்
FG,II block , Alsa Green Park ஹஸ்தினாபுரம் மெயின் ரோடு நேரு நகர், குரோம்பேட்டை, Near MIT Gate Phone : 044-22230808
Skype / Whats app : 8056207965
Email.: [email protected]
Contact Timings for fixing appointment –
6 AM to 8 AM & 8.30 PM to 10 PM

Recent Articles

4 புதிய நீதிபதிகள் பதவிஏற்பு! முழு பலத்தை அடைந்த உச்ச நீதிமன்றம்!

உச்ச நீதிமன்றத்துக்கு நியமனம் செய்யப்பட்ட தமிழகத்தை சேர்ந்த நீதிபதி ராமசுப்பிரமணியன் உள்பட 4 புதிய நீதிபதிகள் இன்று பதவி ஏற்ற நிலையில் உச்ச நீதிமன்றம் முழு பலத்தை எட்டியுள்ளது.

3வது கட்ட பேச்சுவார்த்தை உடன்பாடு; லாரி நிறுத்த போராட்டம் வாபஸ்.!

லாரிகளுக்கு முறையான வாடகை நிர்ணயம் உள்ளிட்ட கோரிக்கைகளுக்காக நடத்தப்பட்ட போராட்டம் வட்டாட்சியர் தலைமையில் நடந்த 3வது கட்ட பேச்சுவார்த்தையில் உடன்பாடு ஏற்பட்டதால் வாபஸ் பெறப்பட்டதாக கண்டெய்னர் லாரி உரிமையாளர்கள் சங்கத்தினர் தெரிவித்தனர்.

ஆந்திர துணை முதலமைச்சர் நடிகையாகியுள்ளார்!

இந்தப் படத்தின் ஆசிரியர் கதாபாத்திரத்தில் புஷ்பா ஸ்ரீவாணி நடிக்கிறார். இதற்காக விழியநகரம் மாவட்டத்தில் உள்ள கொரடா கிராமத்தில் நடைபெற்ற படப்பிடிப்பில் அவர் கலந்துகொண்டார். இவருடன் விழியநகரம் மாவட்ட ஆட்சித்தலைவரான ஹரிஜவஹர்லாலும் படப்பிடிப்பில் பங்கேற்றார்.

பட்டப்பகலில் மாணவரை வெட்டித் தப்பி ஓட்டம்! தூத்துக்குடியில் பயங்கரம்!

அப்போது, நான்கு இருசக்கர வாகனங்களில் ஹெல்மெட் அணிந்து வந்த கும்பல், கல்லூரி அருகிலேயே அபிமன்யூவை வழிமறித்து அரிவாளால் வெட்டியுள்ளது. இதில் தலை மற்றும் கழுத்தில் பலத்த காயம் அடைந்ததால் சுருண்டு விழுந்த அபிமன்யூ, சம்பவ இடத்திலேயே உயிரிழந்‌தார். இதையடுத்து, அந்த கும்பல் தப்பிச் சென்றது.

மோடி, டிரம்புடன் செல்ஃபி எடுத்த ‘லக்கி பாய்’! இத ஃபேமஸ் நடிகர் சிவகுமாருக்கு காட்டுங்க டோய்!

இன்று டிவிட்டர், பேஸ்புக், இன்ஸ்டாக்ராம் என சமூகத் தளங்களில் வைரலாகியிருக்கிறது அந்த செல்ஃபி. அது குறித்து வீடியோ பதிவும் வைரலாகி வருகிறது.

Related Stories