விஸ்வாசம்… வெளியான ஸ்டண்ட் காட்சி ஸ்டில்ஸ்… அஜித்தைக் கண்ட ரசிகர்கள் உற்சாகம்!

சண்டைக் காட்சிகள் சரியாக வந்துள்ளதா என்று ஸ்டண்ட் மாஸ்டருடன் இணைந்து பிரிவ்யூ பார்க்கும் நடிகர் அஜித் குறித்த படங்கள் வெளியாகியுள்ளன, விஸ்வாசம் படப்பிடிப்பின் போது எடுக்கப்பட்ட புகைப்படங்களை படக்குழுவினர் வெளியிட்டு ரசிகர்களுக்கு விருந்து படைத்துள்ளனர்.

விஸ்வாசம் படத்தின் மூலம் 4-வது முறையாக அஜித்துடன் கூட்டணி அமைத்திருக்கிறார் இயக்குநர் சிவா. அஜித் – நயன்தாரா நடிப்பில் உருவாகியுள்ள விஸ்வாசம் ஜனவரி 10-ம் தேதி திரைக்கு வருகிறது. பெரும் எதிர்பார்ப்புக்கு மத்தியில் வெளியாகிறது இந்தப் படம்!

இதனிடையே ரசிகர்களுக்காக வெளியிடப் பட்டுள்ள அந்த ஸ்டில்கள் குறித்த விவரம்…

ஒரு ஸ்டில்லில், விஸ்வாசம் படத்தின் சண்டைக்காட்சி படமாக்கப்படும் போது அஜித்துக்கு ஃபைட் சொல்லித்தரும் படத்தின் ஸ்டண்ட் மாஸ்டர் திலீப் சுப்பராயன் மற்றும் படத்தின் இயக்குநர் சிவா ஆகியோர் இருக்கின்றனர்.

இன்னொரு படத்தில், ஸ்டண்ட் மாஸ்டர் சொல்லித் தரும் காட்சிகளை அஜித் கூர்ந்து கவனிக்கிறார்.

சண்டைக் காட்சிகள் சரியாக வந்துள்ளதா என்று ஸ்டண்ட் மாஸ்டருடன் அஜித் இணைந்து பிரிவ்யூ பார்க்கின்றார்..

இந்தப் படத்தின் சண்டைக்காட்சிகள் சிறப்பாக வந்துள்ளன என்கிறார் திலீப் சுப்பராயன், அவர் இது குறித்துக் கூறிய போது, “விஸ்வாசம் படத்தை பார்த்துவிட்டு நாம் இணைந்து பணியாற்றிய சிறப்பான படம் இது தான் என்று படக்குழு முன்னிலையில் அஜித் என்னிடம் கூறினார்” என்றார்.

Donate with
Support us! We are in the path of protecting our Hindu dharma and our Nation! Please consider supporting us to run this for our 'Dharma'.