23/09/2019 11:20 PM

‘விஜய்’யின் சர்கார் செய்திகள்: சொன்ன சொல்லைக் காப்பாற்றிய தமிழ் ராக்கர்ஸ்!




சர்கார் திரைப்படம் வெளியாகும் தீபாவளி நாள் அன்றே இணையத்தில் வெளியிடப் போவதாக அறிவித்த தமிழ்ராக்கர்ஸ் இணையதளம், தமிழ் திரைப்பட தயாரிப்பாளர் சங்கத்திற்கு சவால் விடுத்தபடி சொன்னது போலவே இணையதளத்தில் வெளியிட்டது.

தமிழ், தெலுகு திரைப்படங்களை வெளியாகும் நாளன்றே இணையதளத்தில் வெளியிட்டு கடும் நெருக்கடியை ஏற்படுத்தி வரும் தமிழ் ராக்கர்ஸ் இணையதளம், இந்த முறையும் சவால் விடுத்திருந்தது. இதனால் அதன் அட்மினை பிடிப்போம் என்று சவால் விட்ட விஷாலால், தற்போது வரை தமிழ் ராக்கர்ஸ் அட்மின் யார் என்பதை கண்டுபிடிக்க முடியவில்லை.

இந்நிலையில் டிவி., ஒன்றில், தற்போது ஓடிக் கொண்டிருக்கும் 96 படத்தை டிவி.,யில் ஒளிபரப்பப்படும் நேரம் குறித்து டிவிட்டரில் அறிவித்தது. அந்தப் பதிவின் கீழ் திரைக்கு வரும் சர்கார் திரைப்படத்தை அன்று மாலை 6:30க்கே இணையத்தில் வெளியிடுவோம் என்று தமிழ் ராக்கர்ஸ் பதிவிட்டது.

இதை அடுத்து, பல்வேறு கண்காணிப்பு நடவடிக்கைகளை தயாரிப்பாளர் சங்கம் எடுத்தது. திரையரங்குகளில் சிசிடிவி கேமரா பொருத்தி, சர்கார் படத்தை படம் பிடிக்கும் நபர்களை உடனடியாக பிடித்து போலீசில் ஒப்படைக்க வேண்டும் என்று முயற்சிகளை எடுத்தது. ஆனால், சொன்னது போலவே திரையரங்கில் கேமரா வைத்து எடுத்து, சர்கார் படத்தை தமிழ் ராக்கர்ஸ் இணையதளம் வெளியிட்டுள்ளது. இது, தமிழ் திரைப்பட தயாரிப்பாளர் சங்க தலைவர் விஷாலுக்கு பெரும் பின்னடைவுதான்.

திரையரங்குகளில் டிக்கெட் கட்டணம் உள்ளிட்ட இதர கட்டணங்களைக் குறைத்து, சாமானிய ரசிகனின் பாக்கெட் பணத்தைக் கொள்ளையடிப்பதை நிறுத்தாத வரையில், தமிழ் ராக்கர்ஸ் போன்ற ஏழைப் பங்காளர்களின் முயற்சிகள் வெற்றி அடைந்தே வரும் என்கிறார்கள் சமூக தளங்களில்!







Recent Articles

கீழடியா? தசாவதாரத்தின் முதல் அவதாரம் நிகழ்ந்த… ‘வைகைச் சமவெளி’ நாகரீகமா?!

2,100 ஆண்டுகளுக்கு முன் தங்கத்தால் செய்யப்பட்ட தெய்வச் சிலைகள் கூட இதுவரை கிடைக்கவில்லை. எந்த தெய்வத்தின் பெயரும் தங்கத்தில் எழுதி, இதுவரை கண்டுபிடிக்கப்படவில்லை...!

பிகிலு பட போஸ்டர்… இறைச்சி வியாபாரிகள் டர்ர்ர்ர்…! காரணம் என்ன தெரியுமா?!

இறைச்சி வெட்டும் மரக்கட்டை மீது கால் வைத்து நடிகர் விஜய் தங்கள் தொழிலை இழிவுபடுத்தி விட்டதாகக் கூறி பிகில் பட சுவரொட்டியைக் கிழித்து, கோவை ஆட்சியர் அலுவலகம் முன் இறைச்சி வியாபாரிகள் போராட்டம் நடத்தினர்.

உதயண்ணா இருக்க… விஜயண்ணாவை தலைவன்னு தூக்கி விட… அவங்க என்ன இளிச்சவாயங்களா?! பிகில் விழாவில் டுமில் பேச்சு!

அவரது கருத்துக்கு வலு சேர்க்கும் வகையில், பலரும் ஆமாம் போட…. இதை அடுத்து ரசிகர்களின் ஏகோபித்த கோரிக்கையை ஏற்று, அந்த விழாவில் தாம் பேசியதை ட்விட்டரில் பகிர்ந்துள்ளார் டேனியல் பாலாஜி.

4 புதிய நீதிபதிகள் பதவிஏற்பு! முழு பலத்தை அடைந்த உச்ச நீதிமன்றம்!

உச்ச நீதிமன்றத்துக்கு நியமனம் செய்யப்பட்ட தமிழகத்தை சேர்ந்த நீதிபதி ராமசுப்பிரமணியன் உள்பட 4 புதிய நீதிபதிகள் இன்று பதவி ஏற்ற நிலையில் உச்ச நீதிமன்றம் முழு பலத்தை எட்டியுள்ளது.

3வது கட்ட பேச்சுவார்த்தை உடன்பாடு; லாரி நிறுத்த போராட்டம் வாபஸ்.!

லாரிகளுக்கு முறையான வாடகை நிர்ணயம் உள்ளிட்ட கோரிக்கைகளுக்காக நடத்தப்பட்ட போராட்டம் வட்டாட்சியர் தலைமையில் நடந்த 3வது கட்ட பேச்சுவார்த்தையில் உடன்பாடு ஏற்பட்டதால் வாபஸ் பெறப்பட்டதாக கண்டெய்னர் லாரி உரிமையாளர்கள் சங்கத்தினர் தெரிவித்தனர்.

Related Stories