திருக்கோகர்ணம் கோயில் கோபுரத்தில் இருந்து பெயர்ந்து விழுந்த பதுமைகள்!

புதுக்கோட்டை திருக்கோகர்ணம் பிரகதாம்பாள் கோவிலில் உள்ள கோபுரத்தில் சாமி சிலைகள் சில பெயர்ந்து விழுந்தது கண்டு பக்தர்கள் அதிர்ச்சி அடைந்துள்ளனர்

புதுக்கோட்டை திருக்கோகர்ணம் பிரகதாம்பாள் கோவிலில் உள்ள கோபுரத்தில் சாமி சிலைகள் சில பெயர்ந்து விழுந்தது கண்டு பக்தர்கள் அதிர்ச்சி அடைந்துள்ளனர்

புதுக்கோட்டை மாவட்டம் திருக்கோகர்ணத்தில் பிரகதாம்பாள் உடனுறை திருக்கோகர்ணேஸ்வரர் கோவில் உள்ளது. பழமையும் பெருமையும் வாய்ந்த இந்தக் கோவில் தாழ்வான ஒரு மலையைக் குடைந்து கட்டப்பட்டுள்ளது.

தொண்டைமான் மன்னர்களின் குலதெய்வம் கோயில் இது. இந்தக் கோவிலில் மன்னர்கள் காலத்தில் தசரா பண்டிகையின் சித்திரை திருவிழாவும் ஆடிப்பூர திருவிழாவும் சிறப்பாக நடைபெற்று வந்துள்ளன.

தற்போது சித்திரை திருவிழாவும் ஆடிப் பூரம் திருவிழாவும் நடைபெற்று வருகிறது. மன்னர்கள் காலத்தில் இந்த கோவில் தேரோட்டம் நடைபெறும் போது திரளான பக்தர்கள் கலந்து கொண்டு தரிசனம் செய்வார்கள்.

அதை பின்பற்றி தற்போதும் தேரோட்டம் நடந்து வருகிறது இக்கோவிலின் ராஜகோபுரம் உட்பட நான்கு கோபுரங்கள் உள்ளன ராஜகோபுரத்தில் உள்ள செடிகளை அகற்றி மணி அண்மையில் நடைபெற்றது. தற்போது ராஜகோபுரத்தில் உள்ள சில சாமி சிலைகள் திடீரென பெயர்ந்து கீழே விழுந்துள்ளன.

இதைக் கண்டு பக்தர்கள் அதிர்ச்சி அடைந்துள்ளனர். இதுகுறித்து பக்தர்கள் குறிப்பிட்டபோது பிரகதாம்பாள் கோவில் முறையாக பராமரிக்காததால் சேதமடைந்துள்ளது.

வரும் 25-ஆம் தேதி முதல் இக் கோவிலில் ஆடிப்பூர தேரோட்டம் கொடியேற்றத்துடன் தொடங்குகிறது. அதற்குள் ராஜகோபுரத்தை சீரமைத்து சுவாமி சிலைகளை மீண்டும் கோபுரத்தில் நிறுவ வேண்டும் என்று குறிப்பிட்டனர்.

-Advertisement-வரன் தேடுகிறீர்களா? தமிழ் மேட்ரிமோனியில் - பதிவு இலவசம்!

Donate with

Support us! We are in the path of protecting our Hindu dharma and our Nation Bharath! Please consider supporting us to run this Tamil web portal continuously.

Loading...