கரும்புச்சாறு பாயசம்
தேவையான பொருட்கள்
கரும்புச்சாறு – ஒரு லிட்டர்
அரிசி – அரை கிலோ
பாதாம்பருப்பு – 5
திராட்சை – 5
வெள்ளரிவிதை – ஒரு தேக்கரண்டி
முந்திரி – 5
ஏலக்காய் – 5
செய்முறை
வாய் அகன்ற பாத்திரத்தில் கரும்புச் சாற்றை ஊற்றி கொதிக்க வைக்கவும்.
அரிசியைக் தண்ணீரில் கழுவி கரும்பு சாற்றில் சேர்த்து வேக வைத்து அடிப்பிடிக்காமல் கிளறிக் கொண்டே இருக்கவும்.
அரிசி வெந்து ஓரளவு கெட்டியானதும் இறக்கி வைத்து அதில் முந்திரி, திராட்சை, பாதாம், வெள்ளரிவிதை, ஏலப்பொடி எல்லாவற்றையும் பாயசத்தில் கலந்து கிளறவும். நன்கு ஆறியவுடன் பரிமாறவும். தேவைப்பட்டால் சர்க்கரை சேர்த்துக் கொள்ளவும்.