ஏப்ரல் 10, 2021, 5:14 மணி சனிக்கிழமை
More

    வெரி கிரிஸ்பி, டேஸ்டி உருளைக்கிழங்கு முறுக்கு!

    Potato murukku - 2

    உருளைக்கிழங்கு முறுக்கு
    தேவையான பொருட்கள்
    மீடியம் சைஸ் உருளைக்கிழங்கு – 4
    அரிசி மாவு – 4 மேஜைக்கரண்டி அல்லது 1 கப்
    மிளகாய்த்தூள் – 1 தேக்கரண்டி
    வெண்ணெய் – 4 தேக்கரண்டி
    சீரகம் – 1 தேக்கரண்டி
    எள்ளு – 2 தேக்கரண்டி
    பெருங்காயப் பவுடர் – 1 தேக்கரண்டி
    உப்பு – 3 தேக்கரண்டி
    எண்ணெய் – அரை லிட்டர்
    மகிழம்பூ (முள்ளு)முறுக்கு அச்சு

    செய்முறை
    உருளைக்கிழங்குகளை, குக்கரிலோ அல்லது பாத்திரத்திலோ தண்ணீரில் போட்டு வைத்து நன்றாக வேக வைத்து, ஆற வைக்கவும்.
    வேக வைத்த உருளைக்கிழங்கின் தோலை உரித்து, நன்றாக கட்டிகள் இல்லாமல் மசிக்கவும்.
    இதனுடன் மேல சொன்ன அனைத்து பொருட்களையும் சேர்த்து நன்றாக பிசையவும். தண்ணீர் தேவைப்படாது.
    அடுப்பில் வாணலியை வைத்து, எண்ணெய் ஊற்றி நன்றாக காய விடுங்கள்.
    முறுக்கு பிழியும் குழலில், மாவை வைத்து நேரடியாக எண்ணெயில் முறுக்கு ஷேப்பில் பிழிந்து விடுங்கள். அரை லிட்டர் எண்ணெய்க்கு, ஒரே நேரத்தில் 3-4 முறுக்குகள் வரை பிழிந்து விடலாம்.
    ஒரு பக்கம் வேக 2-3 நிமிடங்கள் எடுக்கும். பிறகு முறுக்கினை ஜல்லிக்கரண்டி கொண்டு திருப்பி விட்டு 2-3 நிமிடங்கள் வைத்திருந்து, பிறகு எண்ணெயில் இருந்து கரண்டியின் மூலம் எடுத்து விடலாம். முறுக்கு ரெடி.
    இந்த முறுக்கினை பல நாட்கள் வைத்திருந்தும் சாப்பிடலாம்.

    இந்த முறுக்கு மொறு மொறுப்பு வேற எந்த வகை முறுக்கிலும் வராது. சாப்பிடுவதற்கு எளிதாகவும், மிகவும் சுவையாகவும் இருக்கும். தட்டில் முறுக்கை பிழியாமல் நேரிடையாக எண்ணெயில் பிழிவதற்கு காரணம், அப்போதுதான் முள்ளு முறுக்கின் ஷேப் மாறாமல் இருக்கும். தட்டில் பிழிந்தும் எண்ணெயில் போடலாம். ஆனால் அது தேன் குழல் முறுக்கு போல ஓரங்கள் முள் போன்று இல்லாமல் மொழுக்கென்று இருக்கும். உருளைக்கிழங்குக்கு, அரிசி மாவு போல் பிழிந்த பிறகு, ஷேப்பை நெடு நேரம் வைத்திருக்க முடியாது. ஆனால் சுவையில் மாற்றமிருக்காது.

    LEAVE A REPLY

    Please enter your comment!
    Please enter your name here

    sixteen + one =

    உடனுக்குடன் தினசரி தமிழ்ச் செய்திகளை உங்களது டெலிகிராம் ஆப்.,பில் பார்க்கலாம்!
    தினசரி செய்திகள் சேனலில் இணையுங்கள்!

    https://t.me/s/dhinasari

    வெள்ளித்திரைClick
    சினிமா | பொழுதுபோக்கு செய்திகள்...

    Latest Posts

    spot_imgspot_img

    Follow Dhinasari on Social Media

    432FansLike
    0FollowersFollow
    18FollowersFollow
    74FollowersFollow
    1,104FollowersFollow
    0SubscribersSubscribe
    -Advertisement-
    Translate »