புது தில்லி: தொலைதூரக் கல்வி மூலம் பொறியியல் மற்றும் தொழில்நுட்பப் பட்டப்படிப்புகள் நடத்துவதற்கு பல்கலைக் கழக மானியக் குழு தடை விதித்துள்ளது. இது தொடர்பாக பல்கலை மானியக்குழு (யுஜிசி) வெளியிட்டுள்ள அறிக்கை: தொலைதூர கவுன்சில்(டெக்) அமைப்பின் பணிகள் பல்கலைக் கழக் மானியக் குழுவின் (யுஜிசி) கட்டுப்பாட்டின் கீழ் கொண்டுவரப்பட்டுள்ளது. இதையடுத்து தொலைதூரக் கல்வித் திட்டத்தில் வழங்கப்படும் படிப்புகளை ஒழுங்குபடுத்த முடிவு செய்யப்பட்டுள்ளது. அதன் ஒரு கட்டமாக எந்த ஒரு பல்கலைக்கழகம் மற்றும் நிகர்நிலை பல்கலைக்கழகம், எம்.பி.ஏ, எம்.சி.ஏ படிப்புகளைத் தவிர தொலைதூரக் கல்வித் திட்டத்தில் பிற தொழி்ல்நுட்பப் பாடங்கள் மற்றும் பட்டயப் படிப்புகளை நடத்தக் கூடாது. மீறினால் யுஜிசி அல்லது ஏஐசிடிஇ நடவடிக்கை மேற்கொள்ளும் என தெரிவித்துள்ளது.
