10ஆம் வகுப்பு விடைத்தாள் திருத்தும் பணி இன்று துவக்கம்

சென்னை: பத்தாம் வகுப்பு விடைத்தாள்கள் திருத்தும் பணி திங்கள்கிழமை இன்று துவங்குகிறது. 10ஆம் வகுப்புத் தேர்வு மார்ச் 19 முதல் ஏப்ரல் 10ஆம் தேதி வரை நடைபெற்றது. மாநிலம் முழுவதும் 3,298 மையங்களில் 11 லட்சத்துக்கும் அதிகமான மாணவர்கள் இந்தத் தேர்வினை எழுதினர். இந்த விடைத்தாள்களைத் திருத்த மாநிலம் முழுவதும் 75 மையங்கள் அமைக்கப்பட்டுள்ளன. இவற்றில் 40 ஆயிரம் ஆசிரியர்கள் விடைத்தாள் திருத்தும் பணியில் ஈடுபடுகின்றனர். விடைத்தாள்கள் திருத்தப்பட்டு தேர்வு முடிவுகள் மே மூன்றாவது வாரத்தில் வெளியிடப்படும் என எதிர்பார்க்கப்படுகிறது.