Home உலகம் ஜோ பிடனுடன் மட்டுமல்ல… டிவிட்டருடனும் மல்லுக்கட்டும் டிரம்ப்!

ஜோ பிடனுடன் மட்டுமல்ல… டிவிட்டருடனும் மல்லுக்கட்டும் டிரம்ப்!

trump-us
trump-us

அமெரிக்க அதிபர் டொனால்ட் டிரம்ப் திடீர் பேட்டி அளித்துள்ளார். அதுவும், அதிபர் தேர்தல் முடிவுகள் அறிவிக்கப்பட்டு வரும் நிலையில் பேட்டி அளித்துள்ளார்.

அவர் செய்தியாளர்களிடம் பேசிய போது… தேர்தலில் ஆதரவு அளித்த அனைவருக்கும் நன்றி! பெரிய கொண்டாட்டத்திற்காக காத்திருக்கிறோம். தேர்தல் முடிவுகள் சாதகமாக வந்து கொண்டு இருக்கின்றன. மக்கள் பல சாதனைகளை முறியடிக்கும் விதத்தில் வாக்களித்து உள்ளனர்….

ALSO READ: ட்ரம்ப் வெற்றி பெற வேண்டி… அனுமன் கோயிலில் அர்ஜுன் சம்பத் வழிபாடு!

பைடனால் என்னை வெற்றி கொள்ள முடியாது. புளோரிடா மாகாணத்தில் எதிர்பாராத அளவுக்கு வெற்றி கிடைத்துள்ளது. எதிர்பாராத மாகாணங்களில் கூட வெற்றி கிடைத்துள்ளது. டெக்சாசில் 7000 வாக்குகள் வித்தியாசத்தில் வெற்றி கிடைத்துள்ளது. இந்த முறை ஆதரிப்போரின் எண்ணிக்கை மிக அதிகரித்துள்ளது. இந்த தேர்தலில் தனித்துவமான வெற்றியை பெற்றுள்ளோம்… என்று கூறினார் டிரம்ப்.

அதுவும் தேர்தல் முடிவுகள் அறிவிக்கப்பட்டு வரும் நிலையில் வெற்றி என டிரம்ப் பேட்டி அளித்தது பெரும் விவாதத்தைக் கிளப்பியது.

trumptweet

அமெரிக்க அதிபர் தேர்தல் முடிவுகள் வெளியாகிக் கொண்டிருக்கிறது.270 இடங்களை கைப்பற்றினால் ஆட்சியை பிடிக்கலாம் என்ற நிலையில், கடைசியாகக் கிடைத்த நிலவரப்படி, ஜனநாயக கட்சி வேட்பாளர் பிடன் 238 இடங்களையும் குடியரசுக் கட்சி வேட்பாளர் ட்ரம்ப் 213 இடங்களையும் கைப்பற்றியுள்ளனர். மேலும் சில இடங்களில் எண்ணிக்கை நடந்து வரும் நிலையில், டிரம்ப் வெற்றித் தெம்புடன் செய்தியாளர்கள் சந்திப்பில் பேசியுள்ளார்.

ALSO READ : இழுபறிதான்.. ஆனாலும் ட்ரம்ப் மீண்டும் அதிபராவார்! ஜோதிடர் பச்சைராஜென் கணிப்பு!

மேலும், அதிபர் ட்ரம்ப் ட்விட்டரில் பதிவு ஒன்றை வெளியிட்டிருந்தார். அதில், ‘நாம் மாபெரும் வெற்றியை எதிர் நோக்கியுள்ளோம். ஆனால் அவர்கள் தேர்தலில் சதி செய்ய முயற்சிக்கின்றனர்.ஒருபோதும் அவர்கள் சதி செய்ய விடமாட்டோம். வாக்குச் சாவடிகள் மூடப்பட்ட பிறகு வாக்களிக்க முடியாது!’ என பதிவிட்டிருந்தார்.

தேர்தல் வாக்குப் பதிவுகள் நிறைவுற்று, எண்ணிக்கை நடந்து வரும் நிலையில், ட்ரம்பின் இப்பதிவை ட்விட்டர் அதிரடியாக நீக்கியுள்ளது. “இந்த ட்விட் ட்விட்டரின் வழிகாட்டு நெறிமுறைகளுக்கு முரணானது. இது தேர்தல் செயல்பாட்டை தவறாக வழிநடத்தக் கூடும்” என்று ட்விட்டர் விளக்கம் அளித்துள்ளது.

இப்போது இதற்கும் சேர்த்து டிவிட்டருடன் மல்லுக்கட்டி வருகின்றனர் டிரம்ப் ஆதரவாளர்கள்.

NO COMMENTS

LEAVE A REPLY Cancel reply

Please enter your comment!
Please enter your name here

This site uses Akismet to reduce spam. Learn how your comment data is processed.

Exit mobile version