― Advertisement ―

To Read this news article in other Bharathiya Languages

Homeநலவாழ்வுகனவின் விளைவு: இப்படி கனவு வந்தால் யாராவது காதலிக்கிறார்கள் (அ) காதல் கைகூடும்!

கனவின் விளைவு: இப்படி கனவு வந்தால் யாராவது காதலிக்கிறார்கள் (அ) காதல் கைகூடும்!

- Advertisement -

பொதுவாக மிருகங்கள் கனவில் வருவது ஆபத்து உங்களை நோக்கி வருவதற்கான அறிகுறி என்று கூறுவார்கள். ஆனால் அது உண்மையல்ல

எந்த மிருகம் கனவில் வருகிறதோ அதனை பொறுத்தே அதன் பாதிப்புகள் இருக்கும். சில மிருகங்கள் கனவில் வருவது உங்களுக்கு நல்ல நேரம் தொடங்க போவதன் அறிகுறியாக கூட இருக்கலாம்.

நாய்கள் கனவில் வருவது

இந்த பூமியில் மிகவும் நேர்மையும், விசுவாசமும் உள்ள மிருகம் என்றால் அது நாய்தான். அவர்கள் மீது கொஞ்சம் அன்பு செலுத்தினாலே போதும் அது பலமடங்காக உங்களுக்கு திரும்ப கிடைக்கும்.

உங்கள் வாழ்க்கையில் சிறந்த துணையாக இருக்க அவர்களை விட சிறந்தவர்கள் வேறு யாரும் இல்லை. இப்படிப்பட்ட நாய் உங்கள் கனவில் வருவது உண்மையில் நல்லதா? நாய்களுடன் தொடர்புடைய அனைத்து கனவுகளும் நல்லது என்று கூற முடியாது.

நாய் கடிப்பது போல கனவு வந்தால் உங்களை நாய் கடிப்பது போல கனவு வருகிறதா? அப்படி வந்தால் எச்சரிக்கையாய் இருங்கள், ஏனெனில் இது நம்பிக்கை தொடர்பான பிரச்சினைகள் ஏற்பட போவதின் அடையாளமாக இருக்கும்.

கனவில் உங்களை நாய் கையில் கடித்தால் உங்களுக்கு மிகவும் நெருக்கமானவர்கள் விரைவில் துரோகம் செய்ய போகிறார்கள் என்று அர்த்தம். உங்களுக்கு ஏற்படப்போகும் நெருக்கடியான சூழ்நிலையில் உங்களுக்கு விருப்பமானவர்களே உங்களை தவிக்க விட்டுவிட்டு சென்று விடுவார்கள். மேலும் இது நீங்கள் செய்ததற்கான எதிர்வினையாக இருக்கலாம்.

பிரவுன் நாய் கனவு ஒரு குறிப்பிட்ட நிற நாய் மட்டும் உங்கள் கனவில் வருவதற்கு ஒரு குறிப்பிட்ட அர்த்தம் உள்ளது. உங்கள் கனவில் ப்ரவுன் நிற நாய் வருவது நல்ல அறிகுறி அல்ல. இவ்வாறு வருவது நீங்கள் மிகவும் மோசமான பிரச்சினைகளில் சிக்கிக்கொள்ள போகிறீர்கள் என்பதற்கான அறிகுறியாகும். உங்கள் கனவில் ப்ரவுன் நாய் வந்தால் அதற்கு பின் நீங்கள் வாழ்க்கையில் முடிவெடுக்கும் போது எச்சரிக்கையாக இருங்கள். வாழ்க்கையில் எடுத்து வைக்கும் ஒவ்வொரு அடியையும் ஜாக்கிரதையாக எடுத்து வையுங்கள்.

வெள்ளை நாய் கனவு

வெள்ளை என்பது தூய்மை மற்றும் அமைதியின் அடையாளமாகும். உங்கள் கனவில் வெள்ளை நாய் வந்தால் நிம்மதியாக இருங்கள், ஏனெனில் இது நல்ல அறிகுறியாகும். இது உங்கள் நண்பர்கள் உங்களுக்கு உண்மையாக இருக்க போகிறார்கள் என்பதன் அறிகுறியாகும். அவர்களின் நோக்கங்கள் உண்மையானதாகவும், உங்களுக்கு நன்மை விளைவிப்பதாகவும் இருக்கும். இந்த கனவு வந்தால் உங்களுக்கு வாழ்க்கையில் நல்ல நேரம் தொடங்க போகிறது என்று புரிந்து கொள்ளுங்கள்.

கருப்பு நாய் கனவு

பொதுவாக கருப்பு நாய் கனவில் வருவது உங்கள் வாழ்க்கையில் எதிர்மறை விளைவுகள் ஏற்படபோவதன் அறிகுறி ஆகும். இது உங்கள் வாழ்க்கையில் நடக்கப்போகும் பல சம்பவங்களை பிரதிபலிப்பாகும். இது உங்கள் நெருக்கமானவர்களின் இருந்த பக்கங்களை உணர்த்துவதாக இருக்கும். உங்களுக்கு மிகவும் நெருக்கமானவர்கள் உங்களுக்கு கெடுதலை ஏற்படுத்தலாம் அப்படிப்பட்டவர்களிடம் எச்சரிக்கையாக இருங்கள். மேலும் இது உங்களுக்கு அதீத பதட்டம் ஏற்படப்போகிறது என்பதை குறிக்கும்.

நாய் உங்களை துரத்தும் கனவு

உங்களை நாய் துரத்துவது பல கனவு வந்தால் அதன் அர்த்தம் என்ன தெரியுமா? நாய் துரத்துவது போன்ற கனவு வருவது உங்களை நோக்கி காதல் வரப்போகிறது என்பதன் அர்த்தம். நீங்கள் யாரையாவது விரும்பினால் அவர்கள் உங்களை தேடி வரப்போவதன் அர்த்தம்தான் இது. இல்லையெனில் உங்களை யாரோ மனதிற்குள் காதலிப்பதன் அர்த்தம் இது.

தோன்றும்…

.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

உடனுக்குடன் தினசரி தமிழ்ச் செய்திகளை உங்களது டெலிகிராம் ஆப்.,பில் பார்க்கலாம்!
தினசரி செய்திகள் சேனலில் இணையுங்கள்!

https://t.me/s/dhinasari
Whatsapp - தினசரி செய்திகள் சேனலில் இணையுங்கள்!
https://www.whatsapp.com/channel/dhinasari

Follow us on Social Media

19,184FansLike
386FollowersFollow
93FollowersFollow
0FollowersFollow
4,866FollowersFollow
18,200SubscribersSubscribe
Exit mobile version