காஷ்மீர்: ஒரு மாணவர்கூட இல்லாத பள்ளிகள் 124

ஜம்மு-காஷ்மீர் மாநிலத்தில் ஒரு மாணவர்கூட இல்லாமல் இயங்கும் 124 பள்ளிகள் உள்ளதாக அந்த மாநில கல்வித்துறை அமைச்சர் நயீம் அக்தர் தெரிவித்துள்ளார். ஜம்மு-காஷ்மீரில் மாநில சட்டப் பேரவையில் எழுப்பப்பட்ட கேள்வி ஒன்றுக்கு அம்மாநில கல்வித்துறை அமைச்சர் நயீம் அக்தர் பதிலளித்தார். அப்போது அவர் பேசுகையில், “ஜம்முவில் உள்ள 50 பள்ளிகளிலும், காஷ்மீரில் உள்ள 74 பள்ளிகளிலும் ஒரு மாணவர்கள்கூட இல்லை எனத் தெரிவித்தார். அப்போது, நகரங்களில் உள்ள பள்ளிகளில் பணியாற்றும் ஆசிரியர்களின் கற்பித்தல் திறனுடன் ஒப்பிடும்போது கிராமப்புற பள்ளி ஆசிரியர்களின் தரம் குறைவாக உள்ளது என்று ஓர் உறுப்பினர் குறை கூறினார்.