Home இந்தியா சாகர் புயல் உருவாகியுள்ளது; மீனவர்களுக்கு எச்சரிக்கை விடுத்த வானிலை ஆய்வு மையம்

சாகர் புயல் உருவாகியுள்ளது; மீனவர்களுக்கு எச்சரிக்கை விடுத்த வானிலை ஆய்வு மையம்

balachandran - Dhinasari Tamil

சென்னை: ஏடன் வளைகுடா பகுதியில் சாகர் என்ற புயல் உருவாகியுள்ளது. இதனால் தென்மேற்கு அரபிக் கடலுக்கு குமரி மாவட்ட மீனவர்கள் மீன்பிடிக்கச் செல்ல வேண்டாம் என எச்சரித்துள்ளது வானிலை ஆய்வு மையம்.

இது குறித்து செய்தியாளர்களிடம் பேசிய சென்னை வானிலை ஆய்வு மைய இயக்குநர் பாலசந்திரன், ஏடன் வளைகுடா பகுதியில் நிலை கொண்டிருந்த காற்றழுத்தத் தாழ்வு மண்டலம் புயலாக மாறியுள்ளது. சாகர் என்று பெயரிடப்பட்டுள்ள இந்தப் புயல் கிழக்கு திசையில் ஏமன் நோக்கி செல்லக்கூடும் எனவே தென் மேற்கு அரபிக் கடல் பகுதிக்கு மீனவர்கள் மீன்பிடிக்கச் செல்ல வேண்டாம் என்று எச்சரிக்கை விடுக்கப்பட்டுள்ளது. இந்தப் புயலால் தமிழகத்திற்கு பாதிப்பு இல்லை.

கடந்த 24 மணி நேரத்தைப் பொருத்த வரை, வெப்பச்சலனம் காரணமாக தமிழகத்தின் ஒரு சில இடங்களில் மட்டும் மழை பதிவாகியுள்ளது. வரும் 24 மணி நேரத்தைப் பொருத்த வரையில் தமிழகத்தின் ஓரிரு இடங்களில் மழை பெய்யக்கூடும் என்று தெரிவித்தார் பாலசந்திரன்.

NO COMMENTS

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

Exit mobile version