ஜிஎஸ்டி.,யால் குடிநீர் கேன் விலை உயர்வு

சென்னை:
ஜிஎஸ்டி.,யால் குடிநீர் கேன்களின் விலை உயர்ந்துள்ளது. 20 லிட்டர் கொள்ளளவு கொண்ட சுத்திகரிக்கப்பட்ட குடிநீர் கேனுக்கு இதுவரை வரி விதிக்கப்படாமல் இருந்து வந்தது. இந்த நிலையில் ஜிஎஸ்டியில், வரி 18 சதவீதம் விதிக்கப்பட்டுள்ளது. எனவே, தற்போது இடத்துக்கு ஏற்றார்ப் போல 20 லிட்டர் குடிநீர் கேன் ரூ. 30 முதல் ரூ. 40 வரை விற்கப்பட்டு வருகிறது. ஜூலை 1-ம் தேதி ஜிஎஸ்டி வரி விதிப்பு முறை அமலான பின்னர் குடிநீர் கேனின் விலை 18 சதவீதம் அதிகரித்துள்ளது. அவ்வாறு அவற்றில் விலையில் இடத்துக்குத் தகுந்தாற்போல் ரூ. 5 முதல் விலை ஏற்றப் பட்டுள்ளது.