More
    Homeசற்றுமுன்முதல் முறையாக மின் இணைப்பு கிடைத்ததை நடனமாடிக் கொண்டாடிய காஷ்மீர் கிராம மக்கள்!

    To Read in other Indian Languages…

    முதல் முறையாக மின் இணைப்பு கிடைத்ததை நடனமாடிக் கொண்டாடிய காஷ்மீர் கிராம மக்கள்!

    இந்தப் பகுதிகளுக்கு சாலை வசதி இல்லாததால், இந்த இடங்களில் கம்பங்கள், மின் சாதனங்களை நிறுவுவதற்கு நாங்களே பொருட்களை எடுத்துச் செல்ல வேண்டியிருந்தது"

    தெற்கு காஷ்மீரின் அனந்த்நாக் மாவட்டத்தில் உள்ள தொலைதூரப் பகுதியில், இந்தியா சுதந்திரம் அடைந்த பிறகு இந்த கிராம மக்கள் முதல் முறையாக மின்சாரத்தைப் பார்த்தனர்.

    பிரதமர் நரேந்திர மோடியின் “ஹர் கர் பிஜிலி யோஜ்னா” திட்டத்தின் கீழ், அனந்த்நாக் மாவட்டத்தின் தெதன், தூருவில் உள்ள பழங்குடியினர் பகுதி மக்கள் முதன்முறையாக மின் பல்புகளை ஒளிரச் செய்தனர்.

    மின்வாரிய வளர்ச்சித் துறை ஊழியர்கள் முதல் விளக்கை ஏற்றிய போது கிராமம் முழுவதும் மகிழ்ச்சியில் மூழ்கியது. கிராமங்களில் வைக்கப்பட்டுள்ள மின்மாற்றிகளைச் சுற்றி உள்ளூர்வாசிகள் நடனமாடத் தொடங்கினர். அவர்களின் மகிழ்ச்சிக்கு எல்லையே இல்லை.

    “நாங்கள் முதன்முறையாக மின்சாரத்தைப் பார்த்தோம், இது எங்கள் அனைவருக்கும் மிகவும் மகிழ்ச்சியான தருணம், குழந்தைகள் மகிழ்ச்சியாக இருக்கிறார்கள், நிம்மதியாக படிக்க முடியும்.

    மின்சாரம் இல்லாமல் வாழ்வது அவர்களுக்கு மிகவும் சிரமமாக இருந்தது. எரியும் விளக்கின் கீழ் படிப்பார்கள். முன்மாதிரியான பணிக்காக மின்சாரத் துறை ஊழியர்களுக்கு நாங்கள் நன்றியுள்ளவர்களாக இருக்கிறோம்,” என்று அனந்த்நாக்- டூர், டெத்தாவில் வசிக்கும் ஃபசல் தின் கூறினார்.

    நாட்டில் உள்ள ஒவ்வொரு கிராம வீடுகளிலும் ஒளியூட்டுவதை இலக்காகக் கொண்ட பிரதான் மந்திரி மேம்பாட்டுத் திட்டமான “ஹர் கர் பிஜிலி யோஜனா” திட்டத்தின் கீழ் இந்த கிராமத்திற்கு மின்சாரம் வழங்கப்பட்டது. இது 2019 இல் பிரதமர் மோடியால் தொடங்கப்பட்டது.

    தேத்தன் கிராமத்தில் சுமார் 38 HT கம்பங்கள் மற்றும் 57 LT கம்பங்கள் கொண்ட இரண்டு முக்கிய மின்மாற்றிகள் வைக்கப்பட்டுள்ளன.

    “இது மிகவும் மலைப்பாங்கான கிராமம், நாங்கள் இந்த கிராம மக்களுக்கு முதல் முறையாக மின்சாரம் வழங்க முடிந்தது. இந்த கிராம மக்களுக்கு மின்சாரம் வழங்கப்பட, அரசாங்கத்தின் கடுமையான உழைப்பும் திட்டங்கள் மற்றும் முயற்சிகளும் காரணமாகும்.

    இந்தப் பகுதிகளுக்கு சாலை வசதி இல்லாததால், இந்த இடங்களில் கம்பங்கள், மின் சாதனங்களை நிறுவுவதற்கு நாங்களே பொருட்களை எடுத்துச் செல்ல வேண்டியிருந்தது” என்று மின்சாரத் துறையில் இருக்கும் ஃபயாஸ் அகமது கூறினார்.

    தொலைவில் உள்ள இந்த பகுதிகளுக்கு மின்சாரம் வழங்க அரசு எடுத்துள்ள முயற்சிகள் யூனியன் பிரதேசத்தில் உள்ள அனைவராலும் பாராட்டப்பட்டது. இன்னும் இருளில் வாழும் பகுதிகளுக்கு மின்சாரம் வழங்க மின் மேம்பாட்டுத் துறை தீவிர முயற்சியில் ஈடுபட்டுள்ளது.

    உடனுக்குடன் தினசரி தமிழ்ச் செய்திகளை உங்களது டெலிகிராம் ஆப்.,பில் பார்க்கலாம்!
    தினசரி செய்திகள் சேனலில் இணையுங்கள்!

    https://t.me/s/dhinasari

    LEAVE A REPLY

    Please enter your comment!
    Please enter your name here

    sixteen + 1 =

    This site uses Akismet to reduce spam. Learn how your comment data is processed.

    Most Popular

    Follow Dhinasari on Social Media

    19,033FansLike
    388FollowersFollow
    83FollowersFollow
    74FollowersFollow
    4,634FollowersFollow
    17,300SubscribersSubscribe

    Cinema / Entertainment

    நடிகர் அஜித்குமாரின் தந்தை பி.சுப்ரமணியம் மறைவு..

    நடிகர் அஜித்குமாரின் தந்தை பி.சுப்ரமணியம் மறைவுக்கு தமிழக முதல்வர் மு.க.ஸ்டாலின் இரங்கல் தெரிவித்துள்ளார். நடிகர் அஜித்குமாரின்...

    லால் சலாம் பட சூட்டிங் பிரச்சனை..

    திருவண்ணாமலையில் நேற்று படமாக்கப்பட்ட லால் சலாம் பட சூட்டிங் பிரச்சனை எதிரொலி ஐஸ்வர்யா ரஜினிகாந்தின்...

    கண்ணை நம்பாதே-படம் எப்படி?..

    அவரவர் குற்றத்திற்கு தண்டனை உண்டு என்கிற கருவை அடிப்படையாக் கொண்டு உருவான படம் கண்ணை நம்பாதே. தான்...

    7 ஆஸ்கர் விருதை வென்ற Everything Everywhere All At Once..

    7 ஆஸ்கர் விருதை வென்ற Everything Everywhere All At Once திரைப்படம் .சிறந்த...

    Latest News : Read Now...

    Exit mobile version