விஜயகாந்துடன் பாஜக தலைவர்கள் திடீர் சந்திப்பு !

 
தேமுதிக தலைவர் விஜயகா்தை சென்னை வளசரவாக்கத்தில் உள்ள அவரது வீட்டில் பாரதீய ஜனதா கட்சியின் தமிழகப் பொறுப்பாளர் முரளிதர் ராவ் மத்திய அமைச்சர் பொன்.ராதாகிருஷ்ணனுடன் இன்று மாலை திடீரென்று சந்தித்து பேசினார். முன்னதாக இன்று காலை தமிழக பாஜக தலைவர் தமிழிசை சௌந்தரராஜன், விஜயகாந்தை சந்தித்துப் பேசினார்.
நடைபெற்ற இந்தசந்திப்பு சுமார் ஒரு மணி நேரம் நடைபெற்றதாகத் தெரிகிறது. மேலும் வரவிருக்கும் தமிழக சட்டப் பேரவைத் தேர்தலில்,பாரதீய ஜனதா கட்சியின் கூட்டணியில் இணைந்து போட்டியிடுவதற்கு முரளிதர் ராவ், விஜயகாந்துக்கு அழைப்பு விடுத்ததாகத் தெரிகிறது.
மக்கள் நலக் கூட்டணியினர், கடந்த வாரம் விஜயகாந்தை அவரது அலுவலகத்தில் சந்தித்த தங்களது கூட்டணியில் இணையுமாறு அவரை வலியுறுத்தினர். அதே நாளில் செய்தியாளர்களிடம் திமுக தலைவர் கருணாநிதி பேசியபோது , விஜயகாந்தை திமுக கூட்டணிக்கு வருமாறு அழைத்தார் என்பதும் குறிப்பிடத்தக்கது .