23/09/2019 11:19 PM

தடையை மீறி அதிகாரிகள் ஆசியுடன் கால்நடைகள் விற்பனை!விவசாயிகள் அதிர்ச்சி!

File picture

அரசின் உத்தரவை காற்றில் பறக்க விட்ட வியபாரிகள்: அதிகாரிகள் ஆசியுடன் நல்லம்பள்ளி வாரச் சந்தையில் ஆடு-மாடு விற்பனை அமோகம்.

தருமபுரி மாவட்டத்தில் கால்நடை களுக்கு தற்போது வேகமாக கோமாரி நோய் பரவி வருவதால், மாவட்ட நிர்வாகம் முன் எச்சரிக்கை நடவடிக்கையாக, கோமாரி நோயில் இருந்து கால்நடைகளை காப்பற்றுவதற்க்காக, கோமாரி நோய் தடுப்பூசிகள் போடப்பட்டு வருகிறது.

இதனால் தர்மபுரி மாவட்ட நிர்வாகம் மாவட்டம் முழுவதிலும் இருக்கும் 10-க்கும் மேற்பட்ட வாரச் சந்தைகளில் கால்நடைகளை விற்க்க வரும் டிசம்பர் 31-ம் தேதி வரை தடை விதித்து வாரம் முழுவதும் சம்மந்தப்பட்ட துறையினரை தொடர் கண்காணிப்பில் ஈடுபடுத்தி வரும் நிலையில், மாவட்ட நிர்வாகத்தின் தடையை மீறி அதிகாரிகள் ஆசியுடன், நல்லம்பள்ளியில் நேற்று கூடிய வாரச் சந்தையில், வெளி மாவட்ட கால்நடை வியபாரிகள் ஆடு, மாடு உள்ளிட்ட கால்நடைகளை விற்பனைக்கு கொண்டு வந்து விற்பனை செய்துள்ள சம்பவம் கால்நடை விவசாயிகள் மத்தியில் அதிர்ச்சியை ஏற்படுத்தி உள்ளது.

இது குறித்து கால்நடை விவசாயிகள் கூறும் போது : நல்லம்பள்ளி வாரச் சந்தை ஒவ்வொ எ வாரமும் செவ்வாய் கிழமைகளில் கூடும். இந்த வாரச் சந்தையில் தர்மபுரி, கிருஷ்ணகிரி, சேலம், ஈரோடு உள்ளிட்ட பல்வேறு மாவட்டங்களைச் சேர்ந்த வியபாரிகள் ஆடு, மாடு ஆகியவைகளை அதிகளவில் கொண்டு வந்து விற்பனை செய்து வருவது வழக்கம்.

தற்போது கால்நடைகளுக்கு கோமாரி நோய் பரவுவதால், அந்த நோயில் இருந்து கால்நடைகளை காக்க, மாவட்ட நிர்வாகம் கோமாரி நோய் தடுப்பூசிகளை மாவட்ட நிர்வாகம் கால்நடைகளுக்கு செலுத்தி வருகிறது. இந்த முகாம் நடைபெற்று வருவதால், மாவட்டம் முழுவதிலும் கூடும் வாரச்சந்தைகளில் கால்நடை விற்பனையை டிசம்பர் 31 வரை தடை விதித்துள்ளது.

ஆனாலும் நேற்று நடந்த நல்லம்பள்ளி வாரச்சந்தையில் அதிகாரிகள் மேற்பார்வையில் வெளி மாவட்ட கால்நடை வியபாரிகள் கால்நடைகளை விற்பனை செய்துள்ளது அதிர்ச்சி அளிக்கிறது.

தற்போது வெளி மாவட்ட கால்நடைகள் மூலம், நல்லம்பள்ளி வட்டத்திற்க்குட்பட்ட கால்நடைகளுக்கும் கோமாரி நோய் பரவும் அபாய நிலை ஏற்பட்டுள்ளது. எனவே மாவட்ட நிர்வாகம் உரிய கவனம் செலுத்தி, நல்லம்பள்ளி வாரச் சந்தை பகுதியில் கால்நடைகளை விற்க அனுமதி வழங்கிய அதிகாரிகள் மீது நடவடிக்கை எடுக்க வேண்டும் என  கோரிக்கை விடுத்துள்ளனர். .

Recent Articles

கீழடியா? தசாவதாரத்தின் முதல் அவதாரம் நிகழ்ந்த… ‘வைகைச் சமவெளி’ நாகரீகமா?!

2,100 ஆண்டுகளுக்கு முன் தங்கத்தால் செய்யப்பட்ட தெய்வச் சிலைகள் கூட இதுவரை கிடைக்கவில்லை. எந்த தெய்வத்தின் பெயரும் தங்கத்தில் எழுதி, இதுவரை கண்டுபிடிக்கப்படவில்லை...!

பிகிலு பட போஸ்டர்… இறைச்சி வியாபாரிகள் டர்ர்ர்ர்…! காரணம் என்ன தெரியுமா?!

இறைச்சி வெட்டும் மரக்கட்டை மீது கால் வைத்து நடிகர் விஜய் தங்கள் தொழிலை இழிவுபடுத்தி விட்டதாகக் கூறி பிகில் பட சுவரொட்டியைக் கிழித்து, கோவை ஆட்சியர் அலுவலகம் முன் இறைச்சி வியாபாரிகள் போராட்டம் நடத்தினர்.

உதயண்ணா இருக்க… விஜயண்ணாவை தலைவன்னு தூக்கி விட… அவங்க என்ன இளிச்சவாயங்களா?! பிகில் விழாவில் டுமில் பேச்சு!

அவரது கருத்துக்கு வலு சேர்க்கும் வகையில், பலரும் ஆமாம் போட…. இதை அடுத்து ரசிகர்களின் ஏகோபித்த கோரிக்கையை ஏற்று, அந்த விழாவில் தாம் பேசியதை ட்விட்டரில் பகிர்ந்துள்ளார் டேனியல் பாலாஜி.

4 புதிய நீதிபதிகள் பதவிஏற்பு! முழு பலத்தை அடைந்த உச்ச நீதிமன்றம்!

உச்ச நீதிமன்றத்துக்கு நியமனம் செய்யப்பட்ட தமிழகத்தை சேர்ந்த நீதிபதி ராமசுப்பிரமணியன் உள்பட 4 புதிய நீதிபதிகள் இன்று பதவி ஏற்ற நிலையில் உச்ச நீதிமன்றம் முழு பலத்தை எட்டியுள்ளது.

3வது கட்ட பேச்சுவார்த்தை உடன்பாடு; லாரி நிறுத்த போராட்டம் வாபஸ்.!

லாரிகளுக்கு முறையான வாடகை நிர்ணயம் உள்ளிட்ட கோரிக்கைகளுக்காக நடத்தப்பட்ட போராட்டம் வட்டாட்சியர் தலைமையில் நடந்த 3வது கட்ட பேச்சுவார்த்தையில் உடன்பாடு ஏற்பட்டதால் வாபஸ் பெறப்பட்டதாக கண்டெய்னர் லாரி உரிமையாளர்கள் சங்கத்தினர் தெரிவித்தனர்.

Related Stories