6% அகவிலைப்படி உயர்வு: ஆசிரியர்கள் நன்றி

சென்னை: தமிழ்நாடு அரசு ஊழியர்களுக்கு 6 % அகவிலைப்படி உயர்வு அறிவிக்கப்பட்டுள்ளது. இதற்கு தமிழக ஆரம்பப்பள்ளி ஆசிரியர் கூட்டணி நன்றி தெரிவித்துள்ளது. இதுகுறித்து ஆசிரியர் கூட்டணியின் மாநில பொதுச் செயலாளர் இரா.தாஸ் வெளியிட்டுள்ள அறிக்கையில் … ஆசிரியர்கள், அரசு ஊழியர்கள் ஆகியோருக்கு 6 சதவீத அகவிலைப் படியை உயர்த்தி தமிழக அரசு வழங்கியுள்ளது. இதற்கு தமிழக ஆரம்பப்பள்ளி ஆசிரியர் கூட்டணி சார்பில் நன்றியை தெரிவித்துள்ளனர்.அதே நேரத்தில் 6-வது ஊதியக் குழுவின் குறைபாடுகளை நீக்கி மத்திய அரசு ஆசிரியர்களுக்கு இணையாக தமிழக இடைநிலை ஆசிரியர்களுக்கு ஊதியமும் படியும் வழங்க வேண்டும் என்று கூறப்பட்டுள்ளது.