சென்னை ஜாபர்கான் பேட்டையில் உள்ள காசி திரையரங்கத்தின் பின்புறத்தில் உள்ள சாலையில் ‘காசி டாக்கீஸ்’ என்ற புதிய திரையரங்கம் கடந்த ஜூலை 2018ஆம் தொடங்கப்பட்டது. இந்த பெயரை பயன்படுத்துவதற்கு எதிர்ப்பு தெரிவித்து காசி திரையரங்கின் சார்பில் சென்னை உயர்நீதிமன்றத்தில் வழக்கு தொடரப்பட்டது. 8 மாதங்களாக நடைபெற்று வந்த இவ்வழக்கில், தற்போது நீதிமன்றம் உத்தரவு பிறப்பித்துள்ளது. அதன்படி, காசி டாக்கீஸ் பெயரை பயன்படுத்த நீதிமன்றம் அனுமதி அளித்துள்ளது. அத்துடன் வழக்கு மேல்முறையீடு செல்லும்போது, உரிய ஆவணங்களை காசி டாக்கீஸ் உரிமையாளர் சமர்பித்தால் அவர் பெயரை நிரந்தரமாக பயன்படுத்தலாம் எனவும் அறிவுறுத்தியுள்ளது.
