வாசுதேவநல்லூர் அருகே கார் கவிழ்ந்து 6 பேர் காயம்

வாசுதேவநல்லூர் அருகே கார் கவிழ்ந்து விபத்துக்குள்ளானதில் 6 பேர் படுகாயம் அடைந்தனர். சென்னை தாம்பரத்தைச் சேர்ந்தவர் சோமசுந்தரம். இவர் அவரது உறவினர்களான அரிகிருஷ்ணன், நிர்மலா, மாரிமுத்து, ரஞ்சித்குமார், பழனிச்சாமி ஆகியோருடன் தென்காசிக்கு ஒரு காரில் வந்தார். புதன்கிழமை அதிகாலை 5 மணியளவில் வாசுதேவநல்லூர் தரணி சர்க்கரை ஆலை அருகேயுள்ள பாலத்தில் எதிர்பாராதவிதமாக கார் மோதி கவிழ்ந்தது. இதில் 6 பேரும் படுகாயமடைந்தனர்.