அக்ரி கிருஷ்ணமூர்த்தி ஜாமீன் கேட்டு மனுத் தாக்கல்

திருநெல்வேலி: நெல்லையில் வேளாண் அதிகாரி தற்கொலை செய்து கொண்ட வழக்கில் கைது செய்யப்பட்டு பாளை.சிறையில் அடைக்கபப்ட்டுள்ள முன்னாள் அமைச்சர் அக்ரி கிருஷ்ணமூர்த்தி, ஜாமீன் கேட்டு மனுத் தாக்கல் செய்துள்ளார். நெல்லை மாவட்ட நீதிமன்றத்தில் அக்ரி கிருஷ்ணமூர்த்தி சார்பில் தாக்கல் செய்யப்பட்டுள்ள ஜாமீன் மனு புதன்கிழமை விசாரணைக்கு வரும் என எதிர்பார்க்கப்படுகிறது. முன்னதாக, வேளாண் தலைமைப் பொறியாளர் செந்தில் தாக்கல் செய்த ஜாமீன் மனு நெல்லை மாவட்ட நீதிமன்றத்தில் தள்ளுபடி செய்யப்பட்டது. இந்நிலையில், அவர் தற்போது மதுரை மாவட்ட அமர்வு நீதிமன்றத்தில் ஜாமீன் மனு தாக்கல் செய்துள்ளார். இந்த மனு நாளை விசாரணைக்கு வரும் என தெரிகிறது. முன்னதாக, இவர்கள் இருவரையும் வரும் 30 ஆம் தேதி வரை காவலில் வைக்குமாறு, அவர்களின் காவலை நீட்டித்து நீதிமன்றம் உத்தரவிட்டிருந்தது.