23/09/2019 12:51 PM

புஷ்கரத்துக்கு வந்துள்ள அடுத்த நெருக்கடி: நெல்லையில் தினமும் 9 மணி நேர மின்வெட்டு!




நெல்லையில் அடுத்த 14 நாட்களுக்கு தினமும் 9 மணிநேரம் மின்சாரம் இருக்காது என மின்சார வாரியம் தெரிவித்துள்ளது.

கூடங்குளம் அணு மின் உற்பத்தியும், தூத்துக்குடி அனல் மின் உற்பத்தியும் நிறுத்தப் பட்டுள்ளது. இதனால் திருநெல்வேலியில் 14 நாட்களுக்கு பகலில் மின்சாரம் இருக்காது என்ற அறிவிப்பு மக்களுக்கு அதிர்ச்சியை ஏற்படுத்தியுள்ளது.

திருநெல்வேலி மாவட்டம் கூடங்குளத்தில் தலா ஆயிரம் மெகாவாட் மின் உற்பத்தி திறன் கொண்ட இரண்டு அணு வுலைகள் உள்ளன. முதலாவது உலையில் நீண்ட நாட்களாக உற்பத்தி இல்லை. இரண்டாவது உலையில் செப்.13ல் உற்பத்தி துவங்கியது. நேற்று மாலை மீண்டும் உற்பத்தி நிறுத்தப் பட்டது.

தூத்துக்குடியில் தலா 210 மெகா வாட் உற்பத்தி திறன் கொண்ட அலகுகள் உள்ளன. இதில் இரண்டாவது உலை மூடப்பட்டுவிட்டது. நிலக்கரி தட்டுப்பாட்டால் உற்பத்தி நடக்கவில்லை என்று புகார் எழுந்தது. தற்போது காற்று குறைந்து வருவதால் நெல்லை, கன்யாகுமரி மாவட்ட காற்றாலை மின் உற்பத்தியும் குறைந்துவிட்டது.

இதனால் தென்மாவட்டங்கள் பாதிப்பை எதிர்நோக்கியுள்ளது. திருநெல்வேலி மின்வாரிய மேற்பார்வை பொறியாளர் கிருஷ்ண ராஜ் அறிவிப்பில், செப்.24 முதல் அக்.7 வரை காலை 8 மணி முதல் மாலை 5 மணி வரை பராமரிப்புப் பணிகள் நடக்கின்றன. இதனால் நகர்ப் பகுதிகளில் மின் விநியோகம் பாதிக்கப்படும் என்று கூறியுள்ளார்.

14 நாட்களில் மொத்தம் 126 மணி நேரம் மின்சாரம் இருக்காது என்பது கவனிக்கத்தக்கது. செப்டம்பர் 24ம் தேதி முதல் அக்டோபர் 7ம் தேதிவரை 14 நாட்கள் மின்சாரம் இருக்கப்போவதில்லை என்பது மின்சார வாரியத்தின் அறிவிப்பாகும்.

மின்வெட்டு அறிவிக்கப்பட்டுள்ள இடங்களில் ஏராளமான பள்ளி, கல்லூரிகள் அமைந்துள்ளன. அரசு அலுவலகங்கள் உள்ளன. இவ்வளவு நீண்ட நேர மின்வெட்டு மக்களுக்கு பெரும் இடையூறை ஏற்படுத்தும் வாய்ப்புள்ளது என பொதுமக்கள் தங்களது கருத்துக்களை தெரிவித்து வருகின்றனர்.

குறிப்பாக, தாமிரபரணி புஷ்கரத்துக்கு நெல்லை தயாராகிக் கொண்டிருக்கும் போது, இது போன்ற அறிவிப்புகள், பக்தர்களை பல்வேறு வழிகளில் சிந்திக்க வைத்துள்ளது. ஏதோ நெருக்கடி கொடுக்கப் படுவதாகவே நெல்லை மக்கள் கருதுகின்றனர்.







Recent Articles

அரசு பள்ளி மாணவர்களுக்கு விடுமுறை நாட்களில் தொழிற்பயிற்சி அளிக்கப்படும்! செங்கோட்டையன்!

பள்ளி கல்வித்துறையை பொறுத்தவரை பல்வேறு மாற்றங்கள் செய்யப்பட்டு வருகிறது. மாணவா்களின் எதிர்காலத்தை மனதில் கொண்டு தமிழக அரசு புதிய திட்டங்களை நிறைவேற்றுவதில் முதன்மை மாநிலமாக திகழ்கிறது.

கனிமொழிக்கு எதிரான தேர்தல் வழக்கு ! வாபஸ் பெற தமிழிசை முடிவு?

தெலுங்கானாவின் ஆளுநராக பதவி ஏற்ற நிலையில் வழக்கை தொடர விரும்பவில்லை என்று தமிழசை தரப்பில் தெரிவிக்கப்பட்டுள்ளது.

தந்தைக்கு விபத்து! அறிவித்த வாட்ச்! உயிர் மீட்ட போலீஸ்!

அவர் கையில் கட்டியிருந்த ஆப்பிள் வாட்ச் சேதமடைந்த நிலையில் விபத்து நடந்து இருப்பதை உறுதிசெய்து நடந்த இடத்தையும், நபர் சுயநினைவை இழந்து கிடப்பதாகவும் குறுஞ்செய்தியை அவரது மகன் மற்றும் அவசர சேவை மருத்துவமனைக்கு மற்றும் அவசர அழைப்புக்காக கொடுக்கப்பட்ட எண் இரண்டிற்கும் குறுஞ்செய்திஅனுப்பியுள்ளது.

கட்சி தைரியமா இருந்தா… நானும் தைரியமா இருப்பேன்: ப.சிதம்பரம்!

இவரது டிவிட்டர் பதிவுக்கு பலரும் கேலி செய்து கருத்துகளைப் பதிவிட்டு வருகின்றனர்.

பட்டப்பகலில் பெண் சுட்டுக் கொலை! தில்லியில் பயங்கரம்!

இதையடுத்து காவல் துறையினருக்கு தகவல் தெரிவிக்கப்பட்டது. தகவல் அறிந்த காவல்துறையினர் சம்பவ இடத்திற்கு விரைந்து வந்து சிசிடிவி கேமரா காட்சிகளை கைப்பற்றினர். மற்றும் அந்த மர்ம நபர்கள் குறித்து தீவிரமாக விசாரணை நடத்தி வருகின்றனர்.

Related Stories