October 19, 2021, 7:38 am
More

    ARTICLE - SECTIONS

    ஒரே கட்சிக்கு மிருகத்தனமான பெரும்பான்மையை வழங்கியதற்காக நாம் செலுத்தும் விலை: ப சிதம்பரம் ட்விட்!

    paci 1 - 1

    குடியுரிமை சட்ட (திருத்த) மசோதா என்பது, அரசியலமைப்பிற்கு விரோதமானது என்று முன்னாள் மத்திய அமைச்சர் ப.சிதம்பரம் கண்டனம் தெரிவித்துள்ளார்.

    மேலும் அது லோக்சபாவில் நிறைவேறியிருந்தாலும், போராட்டம் உச்சநீதிமன்றத்திற்கு மாறும் என்றும் அவர் கூறினார்.

    “குடியுரிமை சட்ட (திருத்த) மசோதா (CAB) அரசியலமைப்பிற்கு விரோதமானது. நாடாளுமன்றம் அரசியலமைப்பிற்கு அப்பாற்பட்ட ஒரு மசோதாவை நிறைவேற்றுகிறது.

    எனவே சட்டப் போராட்டம் உச்சநீதிமன்றத்திற்கு செல்லும். தேர்ந்தெடுக்கப்பட்ட நாடாளுமன்ற உறுப்பினர்கள், வழக்கறிஞர்கள் மற்றும் நீதிபதிகளுக்கு பொறுப்பை கொடுத்துவிட்டு, தங்கள் பொறுப்புகளை கைவிட்டுள்ளனர்” என்று ப.சிதம்பரம் ஒரு ட்வீட்டில் தெரிவித்துள்ளார்.

    ஒரே கட்சிக்கு மிருகத்தனமான பெரும்பான்மையை வழங்கியதற்காக நாம் செலுத்தும் விலை இதுதான், மாநிலங்கள் மற்றும் மக்களின் விருப்பங்களை மிதிக்க இது பயன்படுத்துகிறது. இவ்வாறு மற்றொரு ட்வீட்டில் சிதம்பரம் கூறியுள்ளார்.

    காங்கிரசுடன் இருக்கும்போது ஒரு வேட்பாளருக்கு வாக்காளர்கள் வாக்களிப்பார்கள், அவரே தகுதியிழந்து பாஜகவில் சேர்ந்து பிறகு போட்டியிடும்போதும், அவருக்கே வாக்களிப்பார்கள் என்றால், இந்திய அரசியல், இந்தியாவை சொர்க்கமாக மாற்றும் உருவமற்ற தன்மையைப் பெற்றுள்ளது என்று நாம் கூற முடியுமா? என்று மற்றொரு ட்வீட்டில் கர்நாடகாவில் பாஜக பெற்ற வெற்றி பற்றி குறிப்பிட்டுள்ளார் சிதம்பரம்.

    1 COMMENT

    1. ஒரு அரசாங்கத்தை செயலாற்றவிடாமல் செய்ய ‘தொங்கும் பார்லிமெண்ட்’ மிகச்சிறந்த வழி.

      ‘இது ஒரு தேசம்’ என்ற நினைவே இன்றி அதிகாரம் கையைவிட்டுப் போகாமல் இருப்பதொன்றே நோக்கமாக இயங்கும் கொள்கைப்பிடிப்பே இல்லாத கூட்டணிகள், குடும்ப நிறுவனங்கள், குதிரைப்பேரங்கள். ஆகா! கொள்ளையடிப்பதற்கு இவைகள் போதாதா?

      தற்போதிருப்பது நிர்வாக இயந்திரம் செயல்படக்கூடிய பெரும்பான்மை. அவ்வளவே! மிருகத்தனமான பெரும்பான்மை காங்கிரசுக்கு நீண்டகாலத்திற்கு இருந்திருக்கிறது. அப்போதெல்லாம் சேர்ந்த குப்பைகளை அகற்றும் வேலைதான் தற்சமயம் நடந்துவருகிறது.

    Comments are closed.

    உடனுக்குடன் தினசரி தமிழ்ச் செய்திகளை உங்களது டெலிகிராம் ஆப்.,பில் பார்க்கலாம்!
    தினசரி செய்திகள் சேனலில் இணையுங்கள்!

    https://t.me/s/dhinasari

    Latest Posts

    spot_imgspot_img

    Follow Dhinasari on Social Media

    18,140FansLike
    366FollowersFollow
    38FollowersFollow
    74FollowersFollow
    1,565FollowersFollow
    0SubscribersSubscribe
    -Advertisement-