உலகின் பிரபல தலைவர்கள் பட்டியலில் தொடர்ந்து முதலிடத்தில் பிரதமர்!

பிரதமர் நரேந்திர மோடியின் செல்வாக்கு, ஆட்சிக்கு வந்ததிலிருந்து தொடர்ந்து அதிகரித்து வருகிறது. ‘மார்னிங் கன்சல்ட் குளோபல் லீடர் அப்ரூவல் ரேட்டிங் டிராக்கரின்’ பகுப்பாய்வு தரவரிசைப் பட்டியலில், இந்த ஆண்டும், உலகின் பிரபலத் தலைவர்கள் பட்டியலில் முதலிடத்தைத் தக்க வைத்துக் கொண்டுள்ளார்.

மார்னிங் கன்சல்ட் என்ற அமெரிக்க ஆராய்ச்சி நிறுவனத்தால் குளோபல் லீடர் அப்ரூவல் பட்டியலை சனிக்கிழமை வெளியிட்டது,

மேலும் இது 70 சதவீத மதிப்பீட்டில் உலக அளவில் மிகவும் அங்கீகரிக்கப்பட்ட உலகத் தலைவராக பிரதமர் மோடி முதலிடத்தில் இருப்பதைக் காட்டுகிறது.

மார்னிங் கன்சல்ட் நடத்திய கருத்துக்கணிப்பின்படி, அமெரிக்க அதிபர் ஜோ பிடன் மற்றும் ஜெர்மனி அதிபர் ஏஞ்சலா மெர்க்கல் போன்ற பிரபல உலகத் தலைவர்களை பின்னுக்குத் தள்ளி, பிரதமர் மோடி சிறந்த மதிப்பீடுகளைப் பெற்றுள்ளார்.

நிறுவனம் வெளியிட்டுள்ள பட்டியலில், மதிப்பீட்டின்படி, முதல் 13 உலகத் தலைவர்கள் இடம்பெற்றுள்ளனர்.

உலகளாவிய தலைவர் ஒப்புதல் பட்டியலில், நரேந்திர மோடி அதிகபட்சமாக 70 விழுக்காடு மதிப்பீட்டைப் பெற்றுள்ளார். அடுத்தபடியாக மெக்சிகோ அதிபர் லோபஸ் ஒப்ரடோர் 66 சதவீதமும், இத்தாலி பிரதமர் மரியோ டிராகி 58 சதவீதமும் உள்ளனர்.

ஏஞ்சலா மெர்க்கல் 54 சதவீத மதிப்பீடுகளையும், ஜோ பிடன் 44 சதவீத மதிப்பீடுகளையும் பெற்றுள்ளனர். இந்த ஆண்டின் தொடக்கத்தில், மார்னிங் கன்சல்ட் ஒரு சர்வேயில் பிரதமர் நரேந்திர மோடியை “மிகவும் பிரபலமான அரசாங்கத் தலைவர்” என்று கூறியது.

2021 செப்டம்பரில் இந்த கருத்துக்கணிப்பு நடத்தப்பட்டபோது, பிரதமர் மோடி இதற்கு முன் ஒருமுறை மிகவும் அங்கீகரிக்கப்பட்ட உலகத் தலைவராக முதலிடத்தைப் பெற்றிருந்தார் என்பது குறிப்பிடத்தக்கது.