விண்டோஸ் அடிப்படையிலான PCக்களில் பயன்படுத்த வாட்ஸ்அப் ஒரு தனி டெஸ்க்டாப் செயலியில் வேலை செய்து கொண்டிருந்தது.
இப்போது பயன்பாடு இறுதியாக வெளி வந்து விட்டது மற்றும் பயனர்களுக்கு டவுன்லோட் செய்யக் கிடைக்கிறது. இருப்பினும் இன்னும் பீட்டா பதிப்பில் தான் உள்ளது மற்றும் Microsoft Windows App Store இலிருந்து டவுன்லோட் செய்ய தயாராக உள்ளது. இது வாட்ஸ்அப் வெப் பதிப்பிற்கு மாற்றாக இருக்கும்.
பிரத்யேக Windows ஆப் மூலம், பயனர்கள் இனி Google Chrome, Microsoft Edge, Firefox போன்ற வெப் பிரவுசர்களை நம்பி வாட்ஸ்அப் வெப்பைத் திறந்து பயன்படுத்த வேண்டியதில்லை.
x64 கட்டமைப்பின் அடிப்படையிலான CPU மற்றும் Windows 10 பதிப்பு 14316.0 அல்லது அதற்கும் அதிகமானவை பயன்பாட்டை இயக்க கணினித் தேவைகள்.
விண்டோஸுக்கான வாட்ஸ்அப்பை டவுன்லோட் செய்வது எப்படி?
படி 1: மைக்ரோசாப்ட் விண்டோஸ் ஸ்டோருக்குச் செல்லவும்
ஸ்டார்ட் மெனுவைத் திறந்து ‘ஸ்டோர்’ என டைப் செய்வதன் மூலம் மைக்ரோசாஃப்ட் விண்டோஸ் ஸ்டோரைத் திறக்கலாம்.
படி 2: WhatsApp டெஸ்க்டாப்பைத் தேடுங்கள்
மேலே உள்ள தேடல் பட்டியில் WhatsApp டெஸ்க்டாப்பைத் தேடுங்கள். பயன்பாட்டைப் டவுன்லோட் செய்யத் தொடங்க, ‘Get’ பட்டனைக் கிளிக் செய்யவும்.
படி 3: WhatsApp டெஸ்க்டாப்பை அமைத்து பயன்படுத்தவும்
மொபைலில் வாட்ஸ்அப்பை நிறுவும் போது நீங்கள் செய்வது போல், உங்கள் விவரங்களை உள்ளிட்டு பயன்பாட்டை அமைக்கவும்.
நிறுவும் முன் கவனிக்க வேண்டியவை:
பயன்பாடு இன்னும் பீட்டாவில் இருப்பதால், ஆரம்ப கட்டத்தில் சில சிக்கல்களையும் பிழைகளையும் எதிர்பார்க்கலாம்.
விண்டோஸ் 11 இல் வாட்ஸ்அப் டெஸ்க்டாப் செயலிழப்பதாக ஆப்ஸின் மதிப்பாய்வுப் பிரிவில் உள்ள பல பயனர்கள் தெரிவித்துள்ளனர். நிலையான அனுபவத்திற்காக, தற்போதைக்கு வாட்ஸ்அப் வெப்பைப் பயன்படுத்துகிறோம்.