உலகின் மிக முக்கிய காடுகளில் ஒன்று அமேசான். இதன் பெரும்பாலான பகுதி பிரேசில் நாட்டில் அமைந்துள்ளது. இங்கிருந்து பூமிக்கு தேவையான 20% சுவாசக் காற்று உற்பத்தி ஆகிறது. இதனால் ”பூமியின் நுரையீரல்” என்று இதனை அழைக்கின்றனர்.
இங்கு வரலாறு காணாத அளவில் தீவிபத்து ஏற்பட்டுள்ளது. இதற்கு மின்னல் தான் காரணம் என்று கூறப்படுகிறது. ஆனால் அங்கு வாழும் மக்களின் செயலால் ஏற்பட்டது எனக் குற்றச்சாட்டும் எழுந்துள்ளது
அமேசான் காடுகளின் தீவிபத்து பற்றி, உலகின் பல்வேறு நாடுகளும் மிகுந்த கவலையில் ஆழ்ந்துள்ளன. பிரேசில் நாட்டிற்கு அழுத்தம் கொடுத்து, தீயை அணைக்க நடவடிக்கை எடுக்க வலியுறுத்தி வருகின்றன.
அமேசான் காடுகளில் பற்றி எரியும் தீயை அணைக்க பிரேசில் படைகள் களத்தில் இறங்கியுள்ளன. இதில் பிற நாடுகளும் உதவிக் கரம் நீட்டியுள்ளன. இந்நிலையில் அமேசான் மழைக் காடுகளை பாதுகாக்க, டைட்டானிக் படத்தின் ஹீரோ லியோனார்டோ டிகாப்ரியோ 5 மில்லியன் டாலரை நன்கொடையாக வழங்கியுள்ளார்.
இதுகுறித்து தனது இன்ஸ்டாகிராம் பக்கத்தில் பதிவிட்டுள்ளார். அதாவது, உலகம் முழுவதும் ஏற்படும் பருவ நிலை மாற்றத்திற்கு அமேசான் மழைக் காடுகள் தான் தீர்வாக இருக்கும்.
இந்த காடுகளின்றி நம்மால் பூமி வெப்பம் அடைதலை கட்டுப்படுத்த முடியாது. அனைவரும் தங்கள் ஒத்துழைப்பை வழங்க வேண்டும் என்று குறிப்பிட்டுள்ளார்.
View this post on Instagram
#REPOST #RG @CNNCLIMATE AERIAL FOOTAGE SHOWS THE WORLD’S LARGEST RAINFOREST IN FLAMES. BRAZIL’S AMAZON IS KNOWN AS “THE PLANET’S LUNGS” FOR PRODUCING ABOUT 20 PERCENT OF THE WORLD’S OXYGEN. THIS INFERNO THREATENS THE RAINFOREST ECOSYSTEM AND ALSO AFFECTS THE ENTIRE GLOBE. #AMAZONRAINFOREST #CNNCLIMATE
A POST SHARED BY LEONARDO DICAPRIO (@LEONARDODICAPRIO) ON AUG 26, 2019 AT 11:05AM PDT