ஜெர்மன்விங்ஸ் விமான விபத்தின் கடைசி நிமிடங்கள் : கேபினில் பதிவான வீடியோ

germanwings-plane-crash பிரான்ஸின் ஆல்ப்ஸ் மலையில் மோதி விபத்துக்குள்ளான விமானத்தில், விபத்தின்போது நிகழ்ந்த கடைசி நிமிடங்கள் ஒரு விடியோவில் பதிவாகியுள்ளது. ஜெர்மன்விங்க்ஸ் விமானம் மலைப் பாதையில் மோதுவதற்கு முன்னர், நிகழ்ந்த உரையாடல், மக்களிடம் ஏற்பட்ட குழப்பமான நிலை ஆகியவை அந்த வீடியோ பதிவில் உள்ளது. ஆனால், அந்த வீடியோ பதிவு அதிகாரபூர்வமாக வெளியிடப்படவில்லை. ஆனால், இந்த வீடியோ பதிவினைத் தாங்கள் பார்த்தாக, இரண்டு ஐரோப்பிய ஊடகங்கள் செய்தி வெளியிட்டுள்ளன. அந்த வீடியோவில், பயணிகளிடம் ஒரு குழப்ப நிலை ஏற்பட்டதும், குரல்கள் அதிகம் எழும்பியதையும், ஓ மை காட் – என அடக்கடவுளே என்று பல குரல்கள் கிறீச்சிட்டுக் கத்தப்பட்டதையும் அவர்கள் கேட்டார்களாம். பாரிஸ் மேட்ச் என்ற பிரெஞ்சு ஊடகமும், ஜெர்மன் டெய்லி என்ற ஊடகமும், ஒரு மொபைல் போனில் படம்பிடிக்கப்பட்ட அந்த வீடியோ பதிவைக் கண்டதாகத் தெரிவித்துள்ளனர். சென்ற வார செவ்வாய்க்கிழமை ஏற்பட்ட விபத்தில் பதிவான ஒரு செல்போனில் இருந்து இந்த வீடியோ கண்டெடுக்கப்பட்டுள்ளது. இந்த விமானம் பறாக்கத் தொடங்கிய 38 நிமிடங்களில், அது 3 ஆயிரம் அடி உயரத்தில் பறந்து கொண்டிருந்தபோது, அதன் வலது புற இறக்கை, அங்கிருந்த மலை முகட்டில் மோதிய சத்தமும், அதனால் விமானத்தில் எழுந்த அதிர்ச்சியும் அந்த வீடியோவில் பதிவாகியுள்ளது. அடுத்த இரண்டு நிமிடங்களில், விமானி காக்பிட் அறைக் கதவைத் தட்டுவதும், தங்களுக்கு இனி என்ன நேரப்போகிறது என்பதை விமானத்தில் பயணம் செய்தவர்கள் உணர்ந்து கொண்டு கத்துவதும் அந்த விடியோவில் பதிவாகியுள்ளதாக அவர்கள் தெரிவித்துள்ளனர்.

Donate to Dhinasari News! Independent journalism that speaks truth to power and is free of corporate and political control is possible only when people start contributing towards the same. Please consider donating towards this endeavour to fight fake news and misinformation.