சோள குழிப்பணியாரம்
தேவையானவை:
புழுங்கல் அரிசி. – ஒரு கப்,
அமெரிக்கன் ஸ்வீட் கார்ன் (டிபார்ட்மென்ட் கடைகளில் கிடைக்கும்) – ஒரு கப், தேங்காய் துருவல் – கால் கப்,
வெல்லம். – ஒரு கப்,
ஏலக்காய்த்தூள் – ஒரு சிட்டிகை,
முந்திரித் துண்டுகள் – 3 டேபிள்ஸ்பூன், எண்ணெய்.நெய்கலவை – 6 டீஸ்பூன்.
செய்முறை:
புழுங்கல் அரிசியை அரை மணி நேரம் ஊறவைத்து, தேங்காய் துருவல், முந்திரி, ஏலக்காய்த்தூள் சேர்த்து அரைத்து… எடுப்பதற்கு 5 நிமிடம் முன்பு வெல்லம் சேர்த்து அரைத்து, கடைசியாக அமெரிக்கன் ஸ்வீட் கார்ன் சேர்த்து அரைத்தெடுக்கவும் (கார்ன் முழுவதுமாக அரைபடாமல் ஒன்றிரண்டாக இருக்க வேண்டும்). குழிப்பணியாரக்கல்லில் எண்ணெய் தடவி, மாவை முக்கால் குழிக்கு ஊற்றி, எண்ணெய் – நெய் கலவை சிறிதளவு விட்டு, திருப்பிப் போட்டு எடுக்கவும்.
குறிப்பு: மாவு கெட்டியாக இருப்பது முக்கியம்.
