கீரை வேர்க்கடலை உசிலி
தேவையானவை:
முருங்கைக்கீரை – ஒரு கப்,
வறுத்த வேர்க்கடலை – கால் கப்,
காய்ந்த மிளகாய் – 4,
எண்ணெய் – ஒரு டீஸ்பூன்,
கடுகு – சிறிதளவு,
உப்பு – தேவையான அளவு.
செய்முறை:
முருங்கைக்கீரையை கழுவி சுத்தம் செய்து, ஆய்ந்து வைக்கவும். வறுத்த வேர்க்கடலையுடன் காய்ந்த மிளகாய், உப்பு சேர்த்து மிக்ஸியில் கொரகொரவென பொடிக்கவும்.
வாணலியில் எண்ணெயை காயவிட்டு கடுகு தாளித்து, கீரையை சேர்த்து நன்கு வதக்கி வேகவிடவும். பிறகு அரைத்த பொடியை மேலே தூவி இறக்கவும்.