ஸ்வீட் பாம்கள்… ஹாட் கேக் போல… இப்போது களைகட்டியிருக்கின்றன. தீபாவளி பண்டிகை என்றாலே இனிப்புகள்…பட்டாசுகள்…. கொண்டாட்டம்தான் நினைவுக்கு வரும்.
ஆனாலும் அனியாயத்துக்கு நம் சிறுவர்களின் இளைஞர்களின் மகிழ்ச்சியைக் கெடுப்பதற்காகவே நீதிமன்றமும் அரசுகளும் பட்டாசுக்கு கட்டுப்பாடு போட்டு இருப்பதால், இப்போது பட்டாசு பாணியில் ஸ்வீட்களை தயாரித்து வருகிறார்கள் இனிப்பு விற்பனையாளர்கள்.
இந்த தீபாவளிக்கு லட்டு, ஜிலேபி, குலோப்ஜாமுன் என்று அல்லாமல் சம்திங் ஸ்மார்ட்டாக வேண்டும் என்று கேட்பவர்களுக்கு ராஜஸ்தான் வியாபாரிகள் புது உத்தியை புகட்டியுள்ளார்கள். பண்டிகைகளில் கஸ்டமர்களை கவர்வதற்கான முயற்சியில் இறங்கியுள்ளார்கள்.
தீபாவளி வெடிகளை வடிவில் ஸ்வீட்ஸ் தயாரித்துள்ளார்கள். லட்சுமி வெடி, புஷ்வாணம், பூத்திரி, ஆட்டம் பாம்கள் வடிவில்…. கிராக்கர்ஸ் ரேஞ்சில் ஸ்வீட்ஸ் தயாரித்துள்ளார்கள். குழந்தைகள் இந்த இனிப்புகளைப் பார்த்து ஜோராக வாங்கிச் செல்கிறார்கள். ஹாட் கேக் போல விற்பனையாகிறது.
ஒருமாதம் முன்பிருந்தே இனிப்புகள் தயாரிக்க ஆரம்பித்து விட்டார்கள் ஜோத்பூர் இனிப்பு வியாபாரிகள். சுத்தமான நெய் மற்றும் டிரை ஃப்ரூட்ஸ் சேர்ப்பதால் விரைவில் கெடுவதில்லை என்கிறார்கள்.