இஸ்ரோ தலைவர் சிவனுக்கு என்று பிரத்யேகமாக எந்த சமூக வலைதள கணக்குகளும் கிடையாது என்று இஸ்ரோ அறிவித்துள்ளது.
சிவன் பெயரில் சமூக வலைதளங்களில் உள்ள கணக்குகள் எதுவுமே அவருடையது கிடையாது என்றும் இஸ்ரோ அறிவித்துள்ளது.
கைலாசவடிவூ சிவன் என்ற பெயரில் பல சமூக வலைத்தள கணக்குகள் இருப்பதாக கவனத்துக்கு வந்துள்ளது. இஸ்ரோ தலைவர் டாக்டர் கே.சிவன் பெயரில் தனிப்பட்ட கணக்குகள் எதுவும் இல்லை என்பதை தெளிவாக்குகிறோம். இஸ்ரோவின் அதிகாரபூர்வ கணக்கை தொடருங்கள்… என்று குறிப்பிட்டுள்ளது இஸ்ரோ.
சிவன் பெயரில் போலியாக சில கணக்குகளைத் தொடங்கி, பல்வேறு தகவல்களை சிலர் பரப்புகின்றனர் என்று புகார்கள் எழுந்துள்ளன. மேலும், குழப்பத்தை ஏற்படுத்த என்றே பலர் வேண்டுமென்றே சில பொய்யான தகவல்களையும் சிவன் பெயரில் கணக்கு தொடங்கி மேற்கொள்கின்றனர்.