வாட்ச் டெல்டா என்ற புதிய ஸ்மார்ட்வாட்சை அறிமுகம் செய்வதாக boAt நிறுவனம் அறிவித்துள்ளது. இந்த ஸ்மார்ட்வாட்ச் மலிவு விலையிலானதாகவும் மற்றும் SpO2 சென்சார், ஸ்மார்ட் அறிவிப்பு அம்சம், 7-நாள் பேட்டரி லைஃப் மற்றும் பல அம்சங்கள் உடனும் கிடைக்கிறது.
மேலும், சிவப்பு, கருப்பு மற்றும் சாம்பல் ஆகிய மூன்று வண்ண வகைகளில் ஸ்ட்ராப்கள் உடன் கிடைக்கும்.
boAt வாட்ச் டெல்டா அம்சங்கள்
போட் வாட்ச் டெல்டாவில் 1.3 அங்குல ஃபுல்-HD LCD வட்ட டிஸ்பிளே 240 x 240 பிக்சல்கள் ரெசல்யூஷன், வலது விளிம்பில் ஒரு பொத்தான் மற்றும் டைனமிக் 3D பயனர் இடைமுகம் (UI) ஆகியவற்றைக் கொண்டுள்ளது.
300 க்கும் மேற்பட்ட வாட்ச் ஃபேஸ்கள் இதனுடன் கிடைக்கும், இந்த விலை வரம்பில் கிடைக்கும் முக்கிய சிறப்பம்சங்களில் இவையாகும்.
மற்ற ஸ்மார்ட்வாட்ச்களைப் போலவே, வாட்ச் டெல்டாவும் இதயத் துடிப்பு மானிட்டர், SpO2 சென்சார் மற்றும் ஸ்லீப் டிராக்கர் போன்ற அம்சங்களை ஆதரிக்கிறது.
நடைபயிற்சி, ஓட்டம், சைக்கிள் ஓட்டுதல், ஸ்கிப்பிங், பூப்பந்து, கூடைப்பந்து, கால்பந்து மற்றும் நீச்சல் உள்ளிட்ட மொத்தம் எட்டு விளையாட்டு முறைகள் இதில் உள்ளன.
மேலும், ஸ்மார்ட்வாட்ச் 250 mAh பேட்டரியைக் கொண்டுள்ளது, இது ஏழு நாட்கள் பேட்டரி லைஃப் மற்றும் 15-20 நாட்கள் ஸ்டாண்ட்பை டைம் ஆகியவற்றை வழங்குவதாகக் கூறப்படுகிறது.
முழுமையாக பேட்டரியை சார்ஜ் செய்ய இரண்டு மணி நேரம் ஆகும்.
இந்த கடிகாரம் தூசி மற்றும் நீர் எதிர்ப்பு ஆகியவற்றிற்காக IP68 சான்றிதழ் பெற்றது மற்றும் அழைப்புகள் அல்லது SMS போன்றவற்றுக்கான உடனடி அறிவிப்புகளைக் காண்பிக்கும்.
பிற அம்சங்களில் இடைவிடாத நினைவூட்டல்கள், இசைக் கட்டுப்பாடு, அலாரங்கள், வானிலை முன்னறிவிப்புகள் மற்றும் பல அம்சங்களும் அடங்கும்.
boAt வாட்ச் டெல்டா விலை, விவரங்கள் மற்றும் சலுகைகள்
போட் வாட்ச் டெல்டா ரூ.2,499 அறிமுக விலையில் கிடைக்கும். இருப்பினும், இதன் அசல் விலை ரூ.5,990 ஆகும். இதை பிளிப்கார்ட் மற்றும் boAt நிறுவனத்தின் அதிகாரப்பூர்வ தளம் வழியாக வாங்கலாம்.
இ-காமர்ஸ் தளம் பிளிப்கார்ட் ஆக்சிஸ் வங்கி கிரெடிட் கார்டில் 5 சதவீதம் வரம்பற்ற கேஷ்பேக், பேங்க் ஆஃப் பரோடா மாஸ்டர்கார்டு டெபிட் கார்டின் முதல் முறை பரிவர்த்தனைக்கு 10 சதவீதம் தள்ளுபடி மற்றும் பிறவற்றை வழங்குகிறது. கடிகாரம் வாங்கிய தேதியிலிருந்து ஒரு வருட உத்தரவாதம் கிடைக்கும்.