தனுஷ் நடித்த ‘ஆடுகளம்’ அஜித் நடித்த ‘ஆரம்பம்’ போன்ற படங்களில் நடித்து வந்த நடிகை டாப்சி தற்போது பாலிவுட்டில் கவனம் செலுத்தி வருகிறார். அவர் தற்போது நடித்து கொண்டிருக்கும் படங்களில் ஒன்று சூர்மா’. இந்த படம் பிரபல ஹாக்கி வீரர் சந்தீப் சிங் வாழ்க்கை வரலாற்று படம் ஆகும்
இந்த படத்தில் டாப்சியும் ஹாக்கி வீராங்கனையாக நடிக்கின்றார். இந்த கேரக்டரில் தத்ரூபமாக நடிக்க வேண்டும் என்பதற்காக டாப்சி தற்போது நிஜமாக ஒரு பயிற்சியாளரின் உதவியுடன் ஹாக்கி வீராங்கனையாக மாறி வருகிறார்.
தில்ஜித் முக்கிய வேடத்தில் நடிக்கும் இந்த படத்தை சையத் அலி இயக்குகிறார். ஷங்கர் ஈசான் லாய் இந்த படத்திற்கு இசையமைக்கின்றார். இந்த படம் வரும் ஜூலையில் வெளியாகவுள்ளது.