பாம்பு மரத்தில் ஏறும் வீடியோ (Viral Video) ஒன்று தற்போது வைரலாகி வருகிறது. மரம் ஏறும் போது வழுக்கும், அதிலும் பாக்கு, பனை மரங்கள் மிகவும் உயரமாக இருக்கும் என்பதால், பாக்கு, பனைமரங்களில் ஏறுவதற்கு சிறப்பு பயிற்சி வேண்டும்.
“கன்செர்டினா லோகோமோஷன்” (concertina locomotion) என்று அழைக்கப்படும் பிடித்து பிறகு அதை தளர்த்துவது என்ற இயக்கத்தின் அடிப்படையில் பாம்புகள் மரமேறும் என்ற விளக்கத்துடன் இந்த வீடியோவை பகிர்ந்த நெட்டிசன் தெரிவிக்கிறார்.
இந்த வீடியோவை பகிர்ந்திருப்பது சுசாந்தா நந்தா என்ற வனத்துறை அதிகாரி தான். அவர், @susantananda3 என்ற தனது டிவிட்டர் கணக்கில் இருந்து இந்த வீடியோவை பகிர்ந்துள்ளார்.
ஒரு மரத்தின் மீது S வடிவில் வளைந்து சென்று பலமுறை சுருண்டு மரத்தில் ஏறும் பாம்பின் வீடியோ ஆச்சரியம் ஏற்படுத்துகிறது.
இந்த வீடியோவில், சரசரவென்று மரத்தில் ஒரு மரமேறி போல ஏறும் பாம்பு, தனது செயல்களால் அதை நடனம் போல காட்டுகிறது.
இது மரமேறும் பாம்பு மட்டுமல்ல, மரத்தில் நடனமும் ஆடும் பாம்பு என்று பலரும் இந்த வீடியோவுக்கு கருத்து பதிவிட்டு வருகின்றனர்.