சோழவந்தானில் டிடிவி தினகரன் மனைவி அனுராதா பிரச்சாரம் மேற்கொண்டார். பாஜக சார்பில் உற்சாக வரவேற்பு அளித்தனர்.
தேனி நாடாளுமன்ற தொகுதியில் தேசிய ஜனநாயக கூட்டணி சார்பில், போட்டியிடும் அம்மா மக்கள் முன்னேற்ற கழக வேட்பாளர் டிடிவி தினகரனுக்கு வாக்குகள் கேட்டு அவரது மனைவி அனுராதா சோழவந்தான் மற்றும் அதன் சுற்றுப்புற கிராமங்களில் தீவிர தேர்தல் பிரச்சாரம் மேற்கொண்டார்.
சோழவந்தான் வட்ட பிள்ளையார் கோவில் அருகில் பிரச்சாரத்திற்கு வந்த டிடிவி தினகரன் மனைவி அனுராதாவிற்கு, மருது பெட்ரோல் பங்கில் பாஜக விவசாய அணி மாநிலத் தலைவர் எம். வி. எம். மணி முத்தையா தலைமையில் சிறப்பான வரவேற்பு அளிக்கப்பட்டது.
இதில், வார்டு கவுன்சிலர் வள்ளி மயில், லிங்கம் சிவகாமி, மற்றும் பாஜக நிர்வாகிகள் தொண்டர்கள் பலர் கலந்து கொண்டனர்.
வாடிப்பட்டி தெற்கு ஒன்றியம் மன்னாடி
மங்கலம் நாராயணபுரத்தில் டிடிவி தினகரன் மனைவி அனுராதா தேர்தல் பிரச்சாரம்!
தேனி நாடாளுமன்ற தொகுதியில், தேசிய ஜனநாயக கூட்டணி சார்பில் போட்டியிடும் அம்மா மக்கள் முன்னேற்ற கழக வேட்பாளர் டிடிவி தினகரன் அவர்களுக்கு வாக்குகள் கேட்டு அவரது மனைவி அனுராதா தீவிர தேர்தல் பிரச்சாரம் மேற்கொண்டார்.
மதுரை புறநகர் வடக்கு மாவட்டம் வாடிப்பட்டி தெற்கு ஒன்றியத்திற்கு உட்பட்ட தென்கரை மன்னாடிமங்கலம், காடுபட்டி, நாராயணபுரம், கச்சிராயிருப்பு, மேலக்கால், திருவேடகம் ஆகிய பகுதிகளில் குக்கர் சின்னத்துக்கு வாக்குகள் கேட்டு தேர்தல் பிரச்சாரத்தில் ஈடுபட்டார்.
இதில், வாடிப்பட்டி தெற்கு ஒன்றிய செயலாளர் ராஜன் தலைமையில் அம்மா மக்கள் முன்னேற்ற கழக நிர்வாகிகள் கிளைச் செயலாளர்கள் பொதுமக்கள் என பலர் கலந்து கொண்டனர்.