பல்லி விரட்டி மருந்துகள், நச்சுத் தன்மை கொண்டவை. குழந்தைகளுக்கும் வீட்டில் வளர்க்கும் செல்லப் பிராணிகளுக்கும் மிகவும் ஆபத்தானவை. எனவே யாருக்கும் ஆபத்தை உண்டாக்காத சுற்றுச் சூழலுக்கு உகந்த வகையில் பல்லிகளை விரட்டுவதற்கான எளிய வழிமுறைகள்.
காபித்தூள்:
சிறிது காபித்தூளை மூக்குப் பொடியுடன் கலந்து சிறு சிறு உருண்டைகளாக உருட்டவும். பல்குத்தும் குச்சிகளின் முனையில் இவ்வுருண்டைகளைக் குத்தி, பல்லிகள் நடமாடும் இடங்களில் அவற்றை வைக்கவும். இவற்றை உண்ணும் பல்லிகள் மடிந்துவிடும். நாப்தலின் உருண்டைகள், சிறந்த பூச்சிக் கொல்லிகள், உங்கள் வீட்டு அலமாரிகளிலும், சிங்குகளிலும், கேஸ் அடுப்புக்கு அடியிலும் போட்டு வையுங்கள். பல்லிகளை விரட்டும் சிறந்த முறை இது.
மயில் இறகுகள்:
மயில் இறகுகளைப் பார்த்து பல்லிகள் பயப்படும். பல்லிகள் வசிக்கும் இடங்கள் நடமாடும் இடங்களுக்கு அருகிலுள்ள சுவர்களில் மயில் இறகை ஒட்டி வையுங்கள். இதனால் உங்கள் வீட்டிலிருந்து பல்லிகள் ஓடிவிடும்.
கொசுவிரட்டி
உங்கள் வீட்டில் இருக்கும் பல்லியை வெளியேற்ற மஸ்கிட்டோ ஸ்பிரே உபயோகமாக இருக்கும். கொசுவிரட்டி ரசாயன வாசனை பல்லிக்கு பிடிக்காது. பல்லியை விரட்ட அதன் அருகில் கொசுவிரட்டி ரசாயனத்தை தெளித்தால் பல்லி வெளியே ஓடிவிடும். முடிந்தவரை இதை பயன்படுத்தாமல் இருப்பது நல்லது. அப்படி பயன்படுத்தினாலும் பல்லியை விரட்ட கொஞ்சமாக உபயோகப்படுத்துங்கள்
முட்டை ஓடு
பல்லிகளுக்கு முட்டை வாசனை பிடிக்காதாம். நீங்கள் முட்டை உபயோகித்த பிறகு முட்டை ஓடுகளை பல்லிகள் வரும் இடத்தில் வைத்தால் முட்டை வாசனையால் பல்லிகள் வராது. ஆனால் முட்டை ஓடுகளை நீங்கள் மறுநாளே மாற்றி விட வேண்டும். இல்லையென்றால் முட்டை ஓட்டில் அதிக அளவில் பாக்டீரியா வளர்ந்து விடும்.
பூண்டு
ஒரு துண்டு பூண்டை எடுத்து அதை சிறிதாக நறுக்கி பல்லிகள் அதிகம் இருக்கும் இடத்தில் வைத்துவிடுங்கள். பூண்டின் வாசனை பல்லியை வெளியே ஓட செய்து விடும். வெறும் பூண்டு பல்லை அப்படியே வைத்தால் வேலை செய்யாது. பூண்டு பல்லை சிறிதாக நறுக்கி வைக்கவேண்டும்.
மிளகு ஸ்பிரே : பல்லிக்கு மிளகின் வாசனை மற்றும் அதன் காரத்தன்மை முற்றிலும் ஒத்துக்கொள்ளாது. மிளகைத் தண்ணீரில் நன்கு ஊற வைத்து மிக்ஸியின் மைய அரைத்து அதன் நீரை மட்டும் வடிகட்டி அதை வீட்டுச் சுவர்களில் ஸ்பிரே செய்தால் பல்லி வீட்டை விட்டு ஓடிவிடும்.
வெங்காயம் : வெங்காயத்தை கதவு , ஜன்னல், நுழைவு வாயில் ஆகிய இடங்களில் மாட்டி வையுங்கள். அது தங்கும் இடத்தில் வெங்காயத் துண்டுகளை நறுக்கி வைத்தால் பல்லித் தொல்லை குறையும்.
இரசக் கற்பூரம் : இது பொதுவாக பலரின் வீடுகளில் பயன்படுத்தக் கூடியதுதான். பீரோக்களில் வாசனைக்காக வைக்கப்படும். இது வாசனைக்கு மட்டுமல்ல பல்லியின் தொந்தரவை போக்கவும் உதவும். பல்லி வரும் இடங்களில் இதை வையுங்கள்.
ஃபிளை பேப்பர் : இது பொதுவாக ஈ தொந்தரவு, வண்டு போன்ற பறக்கும் பூச்சிகளைப் பிடிக்க வீட்டில் கட்டி வைப்பார்கள். இது பல்லியின் அட்டகாசத்தை ஒழித்துக்கட்டவும் உதவும். சுவரில் இதை ஒட்டி வைத்தால் பல்லி அந்தப் பேப்பரில் அப்படியே ஒட்டிக் கொள்ளும். இது சூப்பர் மார்க்கெட், ஹோம் நீட் ஸ்டோர்களிலும் கிடைக்கும்.