எல்ஜி தனது கிராம் 2021 மடிக்கணினிகள் தொடரை இந்தியாவில் அறிமுகப்படுத்தியுள்ளது. இந்த தொடரில் கிராம் 14, கிராம் 16, மற்றும் கிராம் 17 மாதிரிகள் உட்பட மூன்று மாடல்கள் இடம்பெறும். இவற்றின் விலை ரூ.74,999 முதல் ஆரம்பம் ஆகும்.
மூன்று மடிக்கணினிகளும் 11 வது தலைமுறை இன்டெல் கோர் செயலியில் இருந்து ஆற்றல் பெறுகின்றன, 16:10 திரை விகிதத்துடன் ஒரு IPS டிஸ்ப்ளே உடன் கிடைக்கும். மேலும் ஒரு MIL-STD-810G இராணுவ உருவாக்கத் தரத்தைக் கொண்டுள்ளது.
எல்ஜி கிராம் 2021 மடிக்கணினிகளில் மெலிதான பெசல், டிராக்பேட் உடன் பேக்லைட் கீபோர்டு மற்றும் பவர் பொத்தானில் பதிக்கப்பட்ட கைரேகை சென்சார் ஆகியவை இடம்பெறும்.
இவை 14 அங்குல (1920×1200 பிக்சல்கள்), 16 அங்குல (2560×1600 பிக்சல்கள்) மற்றும் 17 அங்குல (2560×1600 பிக்சல்கள்) அளவுகளில் IPS பேனல் மற்றும் 16:10 என்ற விகிதத்தில் வழங்கப்படும்.
எல்லாவற்றையும் விட கிராம் 14 மாடல் 999 கிராம் எடையுடன் இலகுரகமானது.
எல்ஜி கிராம் 2021 தொடர் மடிக்கணினிகளில் தண்டர்போல்ட் 4 மற்றும் டிஸ்ப்ளே போர்ட் ஆதரவு, ஒரு HDMI போர்ட் மற்றும் இணைப்புக்கான ஆடியோ ஜாக் ஆகிய இரண்டு USB டைப்-C போர்ட்கள் பொருத்தப்பட்டுள்ளன. அவர்கள் DTS:X சரவுண்ட் சவுண்ட் ஆதரவுடன் ஸ்டீரியோ ஸ்பீக்கர்களைக் கொண்டிருக்கும்.
எல்ஜி கிராம் 2021 மடிக்கணினிகள் 11 வது தலைமுறை இன்டெல் கோர் i5 மற்றும் i7 செயலிகளால் இயக்கப்படுகின்றன, இன்டெல் ஐரிஸ் Xe கிராபிக்ஸ், 16GB வரை LPDDR4X ரேம் மற்றும் 512GB வரை SSD ஸ்டாரேஜ் ஆகியவற்றை கொண்டிருக்கும்.
கிராம் 14 25.5 மணிநேரம் வரை நீடிக்கும், அதேசமயம் கிராம் 16 மற்றும் கிராம் 17 முறையே 22 மணிநேரம் மற்றும் 19.5 மணிநேர பேட்டரி லைஃபை வழங்கக்கூடியதாக இருக்கும்.
எல்ஜி கிராம் 2021 தொடர்: விலை மற்றும் விற்பனை விவரங்கள்
எல்ஜி கிராம் 2021 மடிக்கணினிகள் தொடரின் விலை இந்தியாவில் ரூ.74,999 முதல் ஆரம்பம் ஆகும். இருப்பினும், ஒவ்வொரு மாடல்களின் தனிப்பட்ட விலை விவரங்கள் மற்றும் அவற்றின் விற்பனை தேதிகள் குறித்து இன்னும் தகவல் எதுவும் வெளியிடப்படவில்லை. அவை ஆஃப்லைன் மற்றும் ஆன்லைன் விற்பனையகங்கள் வழியாகவும் வாங்க கிடைக்கும்.