மலையாளத்தில் வளர்ந்து வரும் நடிகை பார்வதி நம்பியார். ஏழு சுந்தர ராத்திரிகள் படத்தின் மூலம் அறிமுகமானவர். அதன் பிறகு ராஜம்மா, லீலா, கோஸ்ட் வில்லா, சத்யா, மதுர ராஜா, பட்டாபிராமன் உள்பட பல படங்களில் நடித்தார்.
தமிழ், மலையாளத்தில் தயாரான கேணி படத்திலும் நடித்திருந்தார்.இந்த நிலையில் பார்வதி நம்பியார், வினித் மேனன் என்பவரை மணக்க இருக்கிறார். இவர்களது நிச்சயதார்த்தம் சமீபத்தில் நடந்துள்ளது.
அந்த படங்களை தனது சமூக வலைத்தளத்தில் வெளியிட்டிருக்கும் பார்வதி நம்பியார் “எனக்கு கல்யாணம்” என்று மற்றும் குறிப்பிட்டிருக்கிறார். இந்த திருமண நிச்சயதார்த்தம் கொச்சியில் உள்ள நட்சத்திர ஓட்டல் ஒன்றில் நடந்துள்ளது.
நெருங்கிய உறவினர்கள், நண்பர்கள் மட்டும் கலந்து கொண்டுள்ளனர். மணமகன் வினித் மேனன் துபாயில் சொந்தமாக தொழில் நிறுவனம் நடத்தி வருவதாக கூறப்படுகிறது