சொக்க வைக்கும் பயன்களோடு சோயா பீன்ஸ்!

உடல் பலத்திற்கு சோயா பீன்ஸ் இயற்கையாகவே நல்ல ஒரு உணவு பொருளாக உள்ளது. ஜப்பானியர்களின் ஆரோக்கியத்திற்கு மிக பெரியதாக நம்பப்படுவதே இந்த சோயா பீன்ஸ் தான்.

இதில் இருந்து எண்ணெய், பால், Tofu போன்ற பொருட்கள் தயாரிக்கப்படுகின்றது. இதில் இருக்கும் ஒமேகா-3, ஃபிட்டிக் ஆசிட் இதய ஆரோக்கியத்திற்கு மிகவும் நல்லது. சோயா பீன்ஸில் இருக்கும் இரும்பு சத்து இரத்தத்தில் சிவப்பு அணுக்களின் உற்பத்தியை அதிகரித்து, உடலை வலிமையாக்குகின்றது.

சோயா பீன்ஸில் இருக்கும் துத்தநாகம் காது நரம்புகளுக்கு இரத்த ஓட்டத்தை தூண்டுவதினால் வயதானவர்கள் சோயா பீன்ஸ் சாப்பிட்டு வந்தால், காது கேட்கும் திறனை இழக்காமல் பார்த்து கொள்ளலாம்.

உடலில் கெட்ட கொழுப்புகளை நீக்கி, நல்ல கொலஸ்ட்ரால் பெற நினைப்பவர்கள் சோயா பீன்ஸ் அடிக்கடி சாப்பிட்டு வருவது நல்லது. இதனால் இரத்தத்தில் கெட்ட கொழுப்பை சேர விடாமல் தடுக்கலாம்.

சோயாவில் இருக்கும் ஃபிட்டிக் ஆசிட் நமது உடலில் ஆண்டி ஆக்சிடன்ட்டாக செயல்பட்டு, உயிர் கொல்லி வியாதிகளான கேன்சர், நீரழிவு மற்றும் தொற்றுகளால் ஏற்படகூடிய எந்த பிரட்சனையாக இருந்தாலும் அதை ஆரம்ப நிலையிலேயே சரி செய்யவும்.

சோயா பீன்ஸில் ஒமேகா-3 மற்றும் ஒமேகா-6 கொழுப்பு அமிலங்கள் இருக்கின்றது. இது அதிகபடியான இரத்த அழுத்தத்தை குறைக்கும். மேலும் இரத்த நாளங்களில் சேதம் ஏற்படாமல் தடுக்கின்றது.

அதோடு இதில் நிறைந்திருக்கும் ஊட்டசத்துக்கள், இரத்த குழாய் விளிம்பிற்கு நேரடியாக பாதுகாப்பு வழங்குகிறது. இரத்த நாளங்களை சரியாக இயக்கவும், செல்களுக்கு ஊட்டமளிக்கவும் உதவுகிறது.

உடல் எடையை குறைக்க விரும்புகிறவர்களுக்கு சோயா பீன்ஸ் நல்ல ஒரு பானமாக இருக்கின்றது. இதில் சர்க்கரையின் அளவு மிகவும் குறைவு அதோடு இதில் இருக்கும் நிரப்பபடாத கொழுப்பு அமிலங்கள், நமது உடல், கொழுப்புகளை உறிஞ்சுவதை தடுக்கின்றது.

அதனால் உடல் எடையை குறைக்க விரும்புகிறவர்கள் தாரளமாக சோயா பீன்ஸ் எடுத்துக்கொள்ளலாம். மேலும் நோய் எதிர்ப்பு அமைப்பை மேம்படுத்தி, குடல் ஆரோக்கியத்தை பராமரிக்கவும் சோயா பீன்ஸ் உதவுகிறது.

சர்க்கரை, கலோரிகள் மிகவும் குறைவு ஆதலால் சர்க்கரை நோயாளி மற்றும் உடல் பருமனாக உள்ளவர்களுக்கு இது நல்லது. இரண்டாம் வகை சர்க்கரை நோயாளிக்கு மிகவும் நல்லது.

இதில் கரைய கூடிய மற்றும் கரையாத நார்சத்து இரண்டுமே இருக்கின்றது. ஆனால் சர்க்கரை நோயாளிகளுக்கு எவ்வித பிரட்சனையும் இல்லை என கூறப்படுகிறது. சோயா பீன்ஸில் இறைச்சிக்கு நிகரான புரதம் நிறைந்திருக்கிறது

சோயாபீன் மற்றும் அதன் தயாரிப்புகள் புற்றுநோய்க்கான தடுப்பிற்கு மிகவும் ஊக்கமளிக்கின்றன. குறிப்பாக, புரோஸ்டேட் புற்றுநோய், நுரையீரல், மார்பக மற்றும் பெருங்குடல் புற்றுநோய்களுக்கு இவை பரிந்துரைக்கப்படுகின்றன.

சோயா புரதங்கள் பைட்டோ-ஈஸ்ட்ரோஜென் எனப்படும் ஒரு பொருளைக் கொண்டிருக்கின்றன, இது மனித ஈஸ்ட்ரோஜனை இணையான விளைவுகளைக் கொண்டிருப்பதாக அறியப்படுகிறது.

ஐசோபிளவோன் என்பது பைடோ-ஈஸ்ட்ரோஜனின் ஒரு வகை; இது சோயா-புரதத்தில் உள்ளது. புற்றுநோய் தடுப்புக்கு ஐசோபிளவோன் மிகவும் உதவியாக இருக்கும் என்று நம்பப்படுகிறது. ஒமேகா -3 கொழுப்பு அமிலங்கள் கூட பெருங்குடல் புற்றுநோய் ஆபத்துக்களை குறைப்பதற்காக பயன்படுகிறது.

ஐசோபிளவோன்களின் வடிவத்தில் பைடோ-ஈஸ்ட்ரோஜனில் சோயா உள்ளது. ஐசோபிளவோன்கள் மனித ஈஸ்ட்ரோஜன் நிலைக்கு நிகரானது.

பல பெண்களுக்கு மாதவிடாய் நாட்களிலும் அது முடிந்த பின்பும் ஹாட் ஃப்ளாஷ் (வெப்ப ஒளிக்கீற்று) ஏற்பட்டிருக்கலாம். உடலில் எஸ்ட்ரோஜன் அளவுகளில் ஏற்படும் மாற்றங்களினால், மாதவிடாய் நின்ற சமயத்தில், ஹாட் ஃப்ளாஷ்கள் மிகவும் பொதுவான அறிகுறிகளாக இருக்கின்றன.

ஐசோபிளவோன், மனநிலை ஊசலாட்டம், இரவு வியர்வுகள், மற்றும் சோர்வு போன்ற பிற மாதவிடாய் அறிகுறிககளை குறைப்பதாக கண்டறியப்பட்டுள்ளது. மாதவிடாய் நின்ற நிலைக்கான சிகிச்சை முறையாக, ஐசோபிளவோன் கருதப்படுகிறது அல்லது பரிந்துரைக்கப்படுகிறது. ஆனால் இது தொடர்ச்சியான அறிகுறிகளைக் குறைக்க உதவுவதாக கருதப்படுகிறது.

சோயாபீன், புரதங்களின் உயர்ந்த உள்ளடக்கத்தை கொண்டுள்ளது மற்றும் இறைச்சி புரதத்திற்கு பதிலாக இதை எடுத்துக்கொள்ளலாம். சாப்பாட்டின் மூலம் உடலில் புரதங்கள் அடைக்கப்படும் போது, நீங்கள்

நீண்ட காலத்திற்கு முழுமையான உணர்வைக் கொண்டிருப்பீர்கள்.இறைச்சியைப் போலவே, சோயாபீனும் கொழுப்பு நிறைந்திருக்கும். ஆனால் இறைச்சி போலல்லாமல், அது நிறைவுறா கொழுப்பு நிறைந்ததாக இருக்கிறது.

இது ஃபைபரின் ஒரு வளமான ஆதாரம் என்பதால், உடல் சர்க்கரையை குறைத்து எடை இழப்புப்பிற்கு உதவுகிறது.

நார்ச்சத்து ஒரு வகையான கார்போஹைட்ரேட் மற்றும் இது கரையக்கூடிய மற்றும் கரையாத இரண்டு வெவ்வேறு வடிவங்களில் உள்ளது. மனித உடல் ஃபைபர் வளர்சிதை மாற்றமல்ல. எனவே, இது எந்த கூடுதல் கலோரிகளையும் சேர்க்காது.

ஃபைபர் உடலில் கேடாபொலிஸ் ஆகவில்லை என்பதால் அது இரத்த சர்க்கரை அளவைப் பாதிக்காது. எனவே, உயர் இரத்த சர்க்கரை அளவு பாதிக்கப்படும் நோயாளிகளுக்கு ஃபைபர் நல்ல ஊட்டச்சத்து ஆகும்.

நார்ச்சத்து கலோரிகளில் எந்த விளைவையும் ஏற்படுத்தவில்லை என்றால்,

உண்பதில் ஒரு அர்த்தம் இருக்க வேண்டும். எனினும், ஃபைபரின் இரண்டு வடிவங்கள் உடல் மீது அதன் சொந்த விளைவு ஏற்படுத்தும். கரையக்கூடிய ஃபைபர் இரத்தத்தில் உள்ள குளுக்கோஸ் மற்றும் கொலஸ்டிரால் அளவைக் குறைக்க உதவுகிறது.

இந்த கரையக்கூடிய ஃபைபர் செயல்பாட்டின் போது கல்லீரல் மற்றும் தண்ணீரால் வெளியிடப்பட்ட செரிமான என்சைம்களுடன் கலந்து, ஒரு வகையான ஜெல்லை உருவாக்கிறது. இது சர்க்கரை மற்றும் பிற தீங்கு விளைவிக்கும் பொருட்களின் குறைப்பை உறிஞ்சுவதற்கு உதவுகிறது.

கரையக்கூடிய நார்ச்சத்து, சர்க்கரை அளவைக் குறைப்பதில் உதவுகிறது. மேலும் இது நீரிழிவு நோயை கட்டுப்படுத்த உதவுகிறது. மேலும் உயர் ஃபைபர் உணவு சாப்பிடும் போது, ​​அது மலச்சிக்கலுக்கு வழிவகுக்கும் என்று நினைவில் கொள்ளவும்.

கடலைப் பருப்பு, துவரம் பருப்பு, உளுத்தம் பருப்பு போன்றவற்றில் 100 கிராமுக்கு 20 முதல் 25 கிராம் அளவு புரதம் இருக்கிறது என்றால், சோயாவில் அது 40 சதவிகிதம். அது மட்டுமா..? கால்சியம், பி 12, நல்ல கொலஸ்ட்ரால் எல்லாமும் சோயாவில் அதிகம். சோயா என்றதும் பலருக்கும் தெரிந்தது சின்னச் சின்ன உருண்டைகளாக மளிகைக் கடைகளில் கிடைப்பதுதான்.

உண்மையில் சோயா என்பது ஒரு வகையான பயறு. அதை பயறாக உட்கொள்வது தான் சிறந்தது. சோயா உருண்டைகள் சோயாவை அரைத்து, அதன் சாரத்தைப் பிழிந்தெடுத்த பிறகு பெறப்படுகிற புண்ணாக்கு மாதிரியான ஒன்றுதான்.

அதில் சத்துகளோ, அத்தியாவசிய அமினோ அமிலமோ இருக்காது. உருண்டை வடிவில், அவல் மாதிரி, இன்னும் மசாலா சேர்த்தெல்லாம் சோயா கிடைக்கிறது.

இதில் ஃப்ளேக்ஸ் வடிவில் கிடைக்கிற சோயாவை பொரியல், கூட்டு செய்யும் போதெல்லாம் சிறிது சேர்த்துக் கொள்ளலாம். ஏதேனும் ஒரு வடிவத்தில் சோயாவை வாரத்தில் 2 முறை அவசியம் சேர்த்துக் கொள்ள வேண்டும்.

சோயாவை சமையலில் உபயோகிக்கத் தயங்குபவர்கள், அதிலுள்ள லேசான கசப்புத் தன்மையைக் காரணம் காட்டுவதுண்டு. அதுதான் புரதம்.

சோயாவை நேரடியாக உபயோகிக்க விரும்பாதவர்கள், 1 கிலோ கோதுமை மாவுக்கு 100 கிராம் சோயா வீதம் சேர்த்து அரைத்து உபயோகிக்கலாம். சூப் செய்கிற போதும், அதைக் கெட்டியாக்க சோயா மாவை 1 டீஸ்பூன் அளவு சேர்த்துக் கொள்ளலாம்.

எடையைக் குறைப்பதில் சோயாவுக்கு முக்கிய பங்குண்டு. உடலிலுள்ள கெட்ட கொழுப்பை விரட்டுவதில் சோயா உதவும். இதயத்துக்கும் நல்லது. சோயாவிலிருந்து பெறப்படுகிற ப்ரோபயாட்டிக் தயிரில் உள்ள ஈஸ்ட், செரிமானத்துக்கு மிகவும் நல்லது.

விளையாட்டு வீரர்களுக்கு புரதத்தின் தேவை அதிகம். அதை ஈடுகட்ட சோயா சிறந்த உணவு. மெனோபாஸ் காலக்கட்டத்தை நெருங்கும் பெண்களுக்கு ஈஸ்ட்ரோஜென் சுரப்பு குறைய ஆரம்பித்து, சினைப்பைகளின் செயல்திறனும் மங்கும். வாரத்தில் 5 நாட்கள் சோயா மில்க் எடுத்துக் கொண்டால் இந்தப் பிரச்னையிலிருந்து விடுபடலாம்.

சோயா பயறை ஊற வைத்து, முளைகட்டச் செய்து, சுண்டலாகச் செய்து சாப்பிட்டால், ஈஸ்ட்ரோஜென் மற்றும் வைட்டமின் இ தேவை பூர்த்தியாகும். பச்சைப்பயறில் 56.7 சதவிகிதமும், ராஜ்மாவில் 60 சதவிகிதமுமாக உள்ள கார்போஹைட்ரேட், சோயாவில் மட்டும்தான் 20.9 சதவிகிதம். எனவேதான் எடைக் குறைப்புக்கு உதவும் உணவுகளில் சோயாவுக்கு முக்கிய இடமிருக்கிறது.

எடையைக் குறைக்க நினைப்போர்,கார்போஹைட்ரேட் அதிகமுள்ள உணவுகளைத் தவிர்க்க வேண்டும் என்பது முதன்மையான விதி. மற்ற பருப்புகளில் இல்லாத அளவு அதிக கால்சியமும் (240 மி.கி.), பாஸ்பரஸ் சத்தும் (690 கிராம்) சோயாவில் உண்டு.

இந்த இரண்டும் இதய நோய் பாதித்தவர்கள், குழந்தையின்மையால் பாதிக்கப்பட்டோர், கர்ப்பிணிகள் மற்றும் தாய்ப்பால் கொடுக்கும் பெண்களுக்கு அவசியம் தேவை. இரும்புச் சத்தும் மற்ற பருப்புகளைவிட, சோயாவில் சற்றே அதிகம். அதாவது, 10.4 சதவிகிதம்.

ஈஸ்ட்ரோஜென் அளவு அதிகம் என்பதால், ஆண்கள் சோயா அதிகம் எடுத்துக் கொள்ள வேண்டாம். தசைகளை பில்டப் செய்ய ஜிம் செல்பவர்களை தினமும் 100 கிராம் சோயா எடுக்கச் சொல்வார்கள். ஆனால், அப்படி எடுப்பது செரிமானத்தைப் பாதிக்கும்.

காலை வேளைகளில் 25 கிராம் அளவு எடுத்துக் கொள்ளலாம். இது முற்றிலும் புதிய உணவு என்பதால் இரவில் எடுப்பதையும் தவிர்க்க வேண்டும். தவிர, வயதானவர்களுக்குக் கொடுக்கும் போதும், சோயாவாக அரைத்துக் கொடுப்பதற்குப் பதில், சோயா உருண்டைகளை சமையலில் சேர்த்துக் கொடுக்கலாம்.

சோயா பீன்சை ஊறவைத்து அரைத்து பால் எடுத்து ஒரு பாத்திரத்தில் ஊற்றி கொதிக்க வைக்கவும். இதனுடன் வெல்லக் கரைசல் சேர்த்து கொதிக்க வைக்கவும். இந்த கஞ்சியை குடித்துவர உடல் பலம் பெறும்.

பல்வேறு நன்மைகளை கொண்ட சோயா புரதச்சத்து மிகுந்தது. மலச்சிக்கலை போக்குகிறது. புற்றுநோய் வருவதற்கு காரணமான நச்சுக்களை வெளித்தள்ளும் தன்மை கொண்டது. மார்பக புற்றுநோய் வராமல் தடுக்கிறது.

இது சரியான குடல் ஆரோக்கியத்தை பராமரிக்க உதவுகிறது. ஆஸ்டியோபோரோசிஸ் தடுப்புக்கு உதவுகிறது. ஊட்டச்சத்துக்கான நல்ல ஆதாரம். நோய் எதிர்ப்பு அமைப்பை அதிகரிக்க உதவுகிறது.

பக்க விளைவுகள்
சோயாபீன்ஸ் மற்றும் சோயா தயாரிப்புகளின் ஒவ்வாமை பற்றிய தகவல்கள் வந்துள்ளன. பருப்பு குடும்பத்தை சேர்ந்த பொருள்கள் உங்களுக்கு ஒத்துக்காது என்றல் நீங்கள் சோயாபீன்ஸ் சாப்பிடுவதை தவிர்ப்பது நல்லது.

சில தாய்மார்கள் சோயாமிக் போன்ற சோயா தயாரிப்புகளுக்கு வெறுப்பை தெரிவித்துள்ளார். எனவே, இது புரதம் அல்லது கால்சியம் போன்றவைக்கு ஒரு துணையாக பரிந்துரைக்கப்படவில்லை. ஆனால் எப்போதாவது ஒரு உணவாக உட்கொள்ளலாம்.

சோயா பீன்ஸ் அல்லது சோயா சாறுகளின் வழக்கமான உட்கொள்ளல் பெண்ணின் சாதாரண ஈஸ்ட்ரோஜன் அளவை விட ஆண்களின் எஸ்ட்ரோஜன் அளவை எட்டு மடங்கு அதிகமாக உயர்த்தியுள்ளது. இதில் கின்காமாஸ்டியா, மனநிலை மற்றும் உடல் பருமன் போன்ற பிரச்சினைகள் உள்ளன.

சோயாபீன்ஸ் பல கனிமங்கள் மற்றும் கூறுகளைக் கொண்டுள்ளது, அவை மனித உடலில் பல்வேறு பக்க விளைவுகளைக் கொண்டிருக்கின்றன. ஆனால் இந்த தாதுக்களில் பெரும்பாலானவை, வெப்பம் அல்லது சமைக்கும் போது அவற்றின் விளைவுககளை இழக்க வாய்ப்புள்ளது.

இது தொழிற்சாலைகளில் ஒரு பிளாஸ்டிக், மசகுப் பொருள் மற்றும் பல பயன்பாடுகளில் பயன்படுத்தப்படுகிறது.

சோயாபீன் அல்லது அதன் சாறு ஆகியவற்றை அன்றாட உணவில் சேர்க்க ஆராய்ச்சியாளர்கள் இன்னும் ஒரு சிறந்த வழி கண்டுபிடிக்க ஒரு தொடர்ச்சியான ஆய்வு மேற்கொண்டு வருகிறார்கள்