கொலவேறி பாடலுக்கு பிறகு அனிருத்திற்கு பெரிய பிரேக் கொடுத்த படம் விஜய்யின் கத்தி. அதுவரை தனுஷ், சிவகார்த்திகேயன் படங்களுக்கு மட்டும் இசையமைத்து வந்த அனிருத்திற்கு பல பெரிய நடிகர்களின் படமும் கிடைத்ததுள்ளது. விக்ரம், அஜித், சூர்யா ஆகியோரின் அடுத்த படங்களுக்கு இவர்தான் இசை. அதோடு பாலிவுட் படத்திற்கும் அனிருத் இசையமைத்து கொண்டிருக்கிறார். இந்நிலையில் அனிருத் தனது டுவிட்டர் பக்கத்தில் ஒரு வீடியோ ஒன்றை வெளியிட்டுள்ளார். அதில், கத்தி படத்தில் விஜய் பேசும் ஐ ஆம் வெயிடிங் டயலாக்கை விஜய்யை போல் சிரித்துக்கொண்டே கோபத்துடன் கத்துவது போன்று டப்பிங் கொடுத்துள்ளார். மேலும் இந்த வசனத்திற்கு நான் அடிமை என்று கூறியுள்ளார் அனிருத். இது இணையதளத்தில் வைரலாக பரவி வருகிறது.