திருப்பதி தேவஸ்தான வெப்சைட்டில் மாற்றம்! தவறுகளுக்கு இடம் கொடுக்கலையாம்!

திருமலை திருப்பதி தேவஸ்தானம் ஸ்ரீவாரி ஆர்ஜித சேவை, தரிசனம், பஸ், கல்யாண மண்டபங்கள் மற்றும் பல ஆன்லைன் சேவைகளோடு கூட இ-டொனேஷன் வசதிகள் போன்றவற்றுக்காக புதிய வெப்சைட் கொண்டு வந்துள்ளதாக திருமலை திருப்பதி தேவஸ்தானம் வெள்ளிக்கிழமையன்று ஓர் அறிவிப்பினை வெளியிட்டுள்ளது.

தற்போது இருக்கும் https:/ttdsevaonline.com என்று வெப்சைட்டை https:/tirupatibalaji.ap.gov.in ஆக மாற்றி இருப்பதாக தெரிவித்துள்ளார்கள்.

இது சனிக்கிழமை மே 23 ஆம் தேதி முதல் அமலுக்கு வரும். திருமலா திருப்பதி தேவஸ்தானத்தின்பெயரில் கணக்கில்லாமல் முளைத்துள்ள போலி வெப்சைட்கள் மூலம் பக்தர்கள் மோசம் போகாமல் இருப்பதற்காக புதியதாக வடிவமைத்த வெப்சைட்டை எடுத்து வருவதாக திதிதே தெரிவித்துள்ளது.

இதுவரையில் பக்தர்களை ஏமாற்றி வந்த 20 வெப்சைட்டுகளின் மீது வழக்கு பதிவு செய்துள்ளதாக தெரிவித்துள்ளது.

புதிதாக வடிவமைத்து உள்ள tirupatibalaji.ap.gov.in வெப்சைட்டில் திருப்பதி, பாலாஜி, கவர்மெண்ட் என்ற சொற்கள் வடிவமைப்பு குறித்து விவரித்து… வட மாநிலங்களைச் சேர்ந்தவர்கள் ஸ்ரீ வெங்கடேஸ்வர ஸ்வாமியை பாலாஜி என்று அழைப்பார்கள்.

தென் மாநிலங்களைச் சேர்ந்தவர்கள் திருப்பதி யாத்திரை என்று அழைப்பார்கள். இந்த இரண்டு சொற்களைக் கொண்டு சர்ச் செய்வதால் போலி வெப்சைட்களின் வலையில் விழுகிறார்கள். புதிய வெப்சைட்டில் இந்த இரண்டு சொற்களையுமே சேர்த்து உள்ளதால் அதிகாரபூர்வமான சைட் ஓப்பன் ஆகிறது.

வெறுமனே டொமைனில் தவிர அப்ளிகேஷனில் மாற்றங்களை செய்ய வில்லை. ap.gov.in என்பது மாநில அரசாங்க வெப்சைட்டின் எல்லைக்குள்ளேயே வருகிறது. ap.gov.in என்ற பெயரோடு போலி வெப்சைட்கள் எடுத்து வருவது அத்தனை எளிதல்ல என்று தெரிவித்தது.