சென்னை,

அதிமுகவில் ஏற்பட்டுள்ள உள்கட்சி மோதலையடுத்து, அதிமுக சட்டமன்ற உறுப்பினர்கள் சிலர் முதல்வர் பன்னீருக்கு ஆதரவாகவும், பலர் சசிகலாவுக்கு ஆதரவாகவும் செயல்பட்டு வருகின்றனர்.

இந்நிலையில் மயிலாப்பூர் தொகுதி எம்.எல்.ஏவான, முன்னாள் சென்னை கமிஷனர் நட்ராஜ்-ஐ காணவில்லை என பொதுமக்கள் சமூக வலைதளங்களில் கலாய்த்தனர்.

இந்நிலையில், நான் மயிலாப்பூரில்தான் இருக்கிறேன் என எம்எல்ஏ நட்ராஜ் தனது முகநூல் பக்கத்தில் குறிப்பிட்டுள்ளார்.

அவர் தனது முகநூல் பக்கத்தில் வெளியிட்டுள்ள பதிவில்,

மக்கள் வரிப்பணத்தில் ஊதியம் பெறும் நான் நியாயமாக நடக்க விரும்புகிறேன்.மக்களுக்காக சேவையாற்றுவதை நிறுத்தப் போவதில்லை. மக்களுக்கு சேவை செய்ய ஜெயலலிதா அளித்த பரிசுதான் இந்த எம்எல்ஏ பதவி என எழுதியுள்ளார்.

மக்களால் தேர்ந்தெடுக்கப்பட்ட நான் மக்கள் சேவைக்கே முதலிடம் தருவேன். என்னை யார் வேண்டுமானாலும் வந்து சந்திக்கலாம் எனவும் அவர் முகநூலில் கூறியுள்ளார்.