சென்னை: தமிழக சட்டமன்றத்தில் இன்று பட்ஜெட் தாக்கல் செய்து பேசிய முதல்வர் ஓ.பன்னீர் செல்வம், மேகதாது பகுதியில் கர்நாடக அரசு அணை கட்டுவதைத் தடுக்க தமிழக அரசு சட்டப்பூர்வமான நடவடிக்கை எடுக்கும் என்றார். தமிழகத்தில் உள்ள 113 அணைகளைப் புனரமைக்க 450.13 கோடி ரூபாய் ஒதுக்கீடு செய்யப்பட்டுள்ளதாகத் தெரிவித்த ஓ.பன்னீர்செல்வம், விவசாயிகளுக்கு வட்டி மானியம் வழங்க 200 கோடி ரூபாய் ஒதுக்கீடு செய்யப்பட்டுள்ளதாகவும், நெல் உற்பத்தி ஊக்கத் தொகைக்கு 200 கோடி ரூபாய் நிதியும் விலையில்லா ஆடுகள் வழங்கும் திட்டத்துக்கு 249.09 கோடி ரூபாயும் ஒதுக்கீடு செய்யப்பட்டுள்ளதாக கூறினார்.