பிளஸ் 2 தேர்வு முடிவுகள்: மே, 7ம் தேதி வெளியாக வாய்ப்பு?

பிளஸ் 2 தேர்வு முடிவுகள், மே, 7ம் தேதி வெளியாகலாம்’ என கல்வித் துறை வட்டாரங்கள் தெரிவித்தன. பிளஸ் 2 தேர்வை, தமிழகம் மற்றும் புதுச்சேரியில், 8.75 லட்சம் மாணவர்கள் எழுதினர். மார்ச், 5ல் துவங்கிய தேர்வு, 31ல் முடிந்தது.  தற்போது மதிப்பெண் சரிபார்ப்பு உள்ளிட்ட பணிகள் நடைபெற்று வருகின்றன. 22ம் தேதி முதல் மதிப்பெண் பட்டியல் தயாரிப்பு பணி துவங்க உள்ளது. இந்த ஆண்டு, தாற்காலிக மதிப்பெண் சான்றிதழ் அறிமுகமாவதால், அந்த பணியின் அடிப்படையில், ‘ரிசல்ட்’ வெளியாகும் தேதி முடிவாகும் எனக் கூறப்படுகிறது. பெரும்பாலும் மே முதல் வாரத்தில் அதாவது,  மே, 4ம் தேதி முதல் 7ம் தேதிக்குள், ‘ரிசல்ட்’ வெளியாகலாம். என கூறப்படுகிறது.