மகளை களம் இறக்குகிறார் ஆசிப் அலி ஜர்தாரி: பெனாசிர் மகள் இப்போது அரசியலில்!

Bakhtawar Bhutto இஸ்லாமாபாத்: பாகிஸ்தானின் முக்கியமான பாகிஸ்தான் மக்கள் கட்சியின் சார்பில், தன் தந்தை ஆசிப் அலி ஜர்தாரியால் மகள் பக்தாவர் புட்டோ அரசியலில் முக்கியமான தலைமைப் பொறுப்பில் களம் இறக்கப்பட்டுள்ளார். பாகிஸ்தானின் முன்னாள் பிரதமர் பேனசிர் புட்டோ – முன்னாள் அதிபர் ஆசிப் அலி சர்தாரி தம்பதியின் மூத்த மகள் பக்தாவர் புட்டோ. ஏற்கெனவே இவர்களின் மூத்த மகன் பிலாவல் புட்டோ அரசியலில் இறங்கி, சிறிது காலம் ஓய்வெடுப்பதாகக் கூறி, இரு வருடங்களாக ஒதுங்கியுள்ளார். அவர் தனது மேற்படிப்புக்காக அரசியலில் இருந்து ஓய்வில் உள்ளாராம். அந்தக் கட்சி வட்டாரங்களின் கூற்றுப் படி, வரவிருக்கும் தனது தாத்தா ஜுல்பிகர் அலி புட்டோவின் நினைவு நாள் நிகழ்ச்சியையும் அவர் கலந்து கொள்ளப் போவதில்லையாம். இந்நிலையில், தனது மூத்த மகள் பக்தாவர் புட்டோவை அரசியலில் இறக்க அவரது தந்தை ஆசிப் அலி சர்தாரி முடிவு செய்துள்ளதாக தகவல்கள் தெரிவிக்கின்றன.