புது தில்லி: திமுக, தலைவரும் முன்னாள் முதல்வருமான கருணாநிதி மறைவுக்கு பாரதப் பிரதமர் நரேந்திர மோடி இரங்கல் தெரிவித்துள்ளார்.

இந்தியாவின் மிக மூத்த தலைவர்களில் ஒருவரான கருணாநிதியின் மறைவுச் செய்தி துக்கத்தில் ஆழ்த்தியுள்ளது. ஒரு சிறந்த சிந்தனாவாதியை, மக்கள் தலைவரை, சிறந்த எழுத்தாளரை, ஏழைகளின் நல்வாழ்வுக்காக அர்ப்பணித்தவரை நாம் இழந்துவிட்டோம்.

தமிழகத்தின் குரலை ஓங்கி ஒலிக்கச் செய்வதை உறுதி செய்தவர். தமிழர் நலனுக்காக தன்னை அர்ப்பணித்தவர். மாநில நலனுக்காவும் தேசத்தின் உயர்வுக்காகவும் முன் நின்றவர்.

கருணாநிதியுடன் நான் பலமுறை உரையாடியிருக்கிறேன். சமூக நலன் குறித்த கொள்கை முடிவுகளை புரிந்து கொண்டு செயலாற்றுபவர். ஜனநாயகவாதி. நெருக்கடி நிலைக் காலத்தில் அவரது செயல்பாடுகள் நினைவு கூரப்படும்.

அவரது குடும்ப உறுப்பினர்கள், கட்சியின் எண்ணற்ற தொண்டர்கள், கருணாநிதி ஆதரவாளர்களுடன் இந்த நேரத்தில் என் நினைவுகள் உள்ளன. இந்தியா, குறிப்பாக தமிழகம் அவரை மிகவும் இழந்து தவிக்கிறது. அவரது ஆன்மா அமைதி பெறட்டும்…

– என்று தன் இரங்கல் குறிப்பில் தனது டிவிட்டர் பதிவுகளில் குறிப்பிட்டுள்ளார் மோடி.

My thoughts are with the family and the countless supporters of Karunanidhi Ji in this hour of grief. India and particularly Tamil Nadu will miss him immensely. May his soul rest in peace. pic.twitter.com/7ZZQi9VEkm

— Narendra Modi (@narendramodi) August 7, 2018