சென்னை: உச்ச நீதிமன்றத்தில் இன்று அடிப்படைக் கருத்துரிமை தொடர்பாக வழங்கப்பட்ட தீர்ப்பை வரவேற்பதாக முன்னாள் நிதியமைச்சர் ப.சிதம்பரம் தெரிவித்துள்ளார். இந்தப் பிரிவு மிகவும் பலவீனமாக கட்டமைக்கப்பட்டதாகவும், அபாயகரமானதாகவும் இருந்தது என்றும், இதன் மூலம் இந்தப் பிரிவு தவறாக கையாளப் பட வாய்ப்பு இருப்பதாகவும், தவறாகக் கையாளப்பட்டதாகவும் கூறியுள்ளார். பேச்சுரிமை சுதந்திரத்துக்கு எதிரானதாக இது இருந்துள்ளது. தற்போதைய நடைமுறைச் சட்டங்களின் மூலம் இது தொடர்பான தண்டனைகளைப் பெற்றுத் தர வாய்ப்பு உள்ளது. தற்போதைய சட்டப் பிரிவையே மேலும் வலுப்படுத்த யோசிக்கலாம், ஆனால் 66ஏ அதற்கான பதில் அல்ல என்று ப.சிதம்பரம் கூறியுள்ளார்.