பாலிவுட் பிரபலங்களான விக்கி கெளஷல், கேத்ரீனா கைஃப் திருமண அழைப்பிதழ் இணையத்தில் வைரலாகி வருகிறது.
விக்கி கெளஷாலும், கேத்ரீனா கைஃபும் காதலித்து வந்த நிலையில் அவர்களது திருமணம் வருகிற டிசம்பர் 9 ஆம் தேதி நடைபெறவுள்ளது.
ராஜஸ்தான் மாநிலம் ரன்தம்போரில் இதற்காக ஸ்பெஷல் ஏற்பாடுகள் தீவிரமாக நடைபெற்று வருகின்றன.
இந்த திருமண வைபவத்தில் பாலிவுட்டின் டாப் 120 பிரபலங்கள் கலந்து கொள்ள உள்ளதால், திருமணம் நடக்கும் இடத்தைச் சுற்றியும் பொதுமக்கள் நடமாட கட்டுப்பாட்டுகள் விதிக்கப்பட்டு பாதுகாப்பு பலப்படுத்தப்பட்டுள்ளது.
இந்நிலையில் அவர்களின் திருமண அழைப்பிதழ் இணையத்தில் வைரலாகி வருகிறது. அதில், ‘ஜெய்ப்பூரில் இருந்து ரன்தம்போருக்குச் செல்லும் சாலைப் பயணத்தை நீங்கள் அனுபவிப்பீர்கள் என்று நம்புகிறோம்.
இயற்கை எழில் சூழ்ந்த கிராமங்கள், சாலைகள் வழியாக உங்கள் பயணத்தை அனுபவியுங்கள். அற்புதமான மகிழ்ச்சியான நிகழ்வுக்கு உங்களை தயார்படுத்தி கொள்ளுங்கள்.
தயவு செய்து உங்கள் மொபைல் போன்களை உங்களுக்கான அறைகளில் வைத்துவிடுங்கள். இந்த நிகழ்வுகளை படம்பிடித்து சமூக வலைதளங்களில் பதிவேற்றுவதை தவிர்த்துக்கொள்ளுங்கள்.
உங்களை காண நாங்கள் ஆவலுடன் காத்திருக்கிறோம்’ என அதில் குறிப்பிடப்பட்டுள்ளது.
