கடலூர், புதுவையில் மழை: தாழ்வான பகுதிகளில் நீர் தேக்கம்

கடலூர் மாவட்டத்தில் நேற்று முன்தினம் இரவு முதல் மீண்டும் மழை பெய்து வருகிறது. இதனால் தாழ்வான பகுதிகளில் தண்ணீர் தேங்கியது. 4 கூரைவீடுகள் இடிந்து விழுந்தன. விழுப்புரம் மாவட்டத்திலும் ஓரளவு மழை பெய்தது.

புதுவையில் நேற்று முன்தினம் இரவு கனமழை பெய்தது. நேற்று பகலிலும் பலத்த மழை கொட்டியது. இதனால் தாழ்வான பகுதிகளில் மழைவெள்ளம் தேங்கியுள்ளது. சில இடங்களில் வீடுகளுக்குள்ளும் மழைநீர் புகுந்துள்ளது. தொடர்ந்து மழை பெய்து வருவதால் விவசாய பயிர்களும், 10 வீடுகளும் சேதமடைந்தன.