பனிப்புயல் போன்ற சூழல்களுக்கு மத்தியில் முழங்கால் அளவு பனியில் ராணுவ வீரர் ஒருவர் பாதுகாப்பு பணியில் ஈடுபடும் வீடியோ, சமீபத்தில் சமூக வலைதளங்களில் (Viral Video) வைரலானது.
அந்த வகையில், மேலும் ஒரு வீடியோ வெளிவந்துள்ளது.
இந்திய ராணுவ வீரர்களின் மற்றொரு வீடியோ, அனைவரின் கவனத்தையும் ஈர்க்கப் போகிறது. இந்த வீடியோவை ஐஏஎஸ் அதிகாரி அவ்னீஷ் சரண் தனது அதிகாரப்பூர்வ ட்விட்டர் கணக்கில் பகிர்ந்துள்ளார்.
ராணுவ வீரர்கள் கடும் குளிருக்கு சிறிதும் அஞ்சாமல் பனியில் வாலிபால் விளையாடிக் கொண்டிருந்தனர். இந்த வீடியோ அனைத்து தரப்பிலிருந்தும் பாராட்டுகளைப் பெற்று வருகிறது.
இந்த வீடியோவில் உள்ள சிறப்பு என்னவெனில், கடும் குளிரை எதிர்த்து போராடுவது மட்டுமின்றி, அதை ரசித்தும் விளையாடுகிறார்கள்.
இந்த குளிரில் கை கால்களை அசைப்பதே ஒரு சவால் என்னும் போது, இந்திய வீரர்களின் இந்த சாகசம் அவர்களின் வீரத்திற்கு சான்றாக உள்ளது என்றால் மிகையில்லை.
வைரலாகி வரும் வீடியோவில், இந்திய வீரர்கள் இரு அணிகளாக பிரிந்து வாலிபால் விளையாடுவதைக் காணலாம். ஒரு அணி புள்ளிகளை பெற்றவுடன் பரஸ்பரம் கைதட்டி கொண்டாடினர்.
மறுபுறம், கடுமையான குளிரிலும் அவர்கள் கைகளைத் தேய்த்துக் கொண்டே நிற்பதையும் காணலாம். இந்த வீடியோவைப் பகிர்ந்துள்ள ஐஏஎஸ் அதிகாரி அவ்னிஷ் சரண், ‘சிறந்த குளிர்கால விளையாட்டு’ நமது ஜவான்கள்’ என்று தனது தலைப்பில் எழுதினார். இந்த வீடியோ தற்போது வைரலாகி 134.5k முறை பார்க்கப்பட்டுள்ளது.