23/09/2019 7:26 PM

ஊழல் குற்றச்சாட்டுக்கு ஆளானவர் சிபிஐ இயக்குனராகவே இருந்தால் என்ன? அலோக் வர்மா அவ்ளோதான்..! அதிரடி காட்டிய மோடி!

புது தில்லி: ஊழல் கறை சிறிதும் படியாமல் ஆட்சியை ஐந்து ஆண்டுகளுக்கும் நிறைவு செய்வது என்பதில் குறியாக இருக்கும் பிரதமர் மோடி, பரஸ்பரம் ஊழல் குற்றச்சாட்டைக் கூறி மோதலில் ஈடுபட்ட சிபிஐ., இயக்குனர் அலோக் வர்மாவை அதிரடியாக நீக்கினார். அவர் நீதிமன்றம் சென்று தனது நீக்கத்துக்கு தடை பெற்றபோதும், மோடி அலோக் வர்மாவை நீக்கி, வேறு பொறுப்புக்கு மாற்றிவிட்டார். பிரதமர் மோடி தலைமையிலான உயர்மட்ட தேர்வுக்குழு இந்த நடவடிக்கையை இன்று எடுத்துள்ளது.

சி.பி.ஐ., இயக்குனர் அலோக் குமார் வர்மா, சிறப்பு இயக்குனர் ராகேஷ் அஸ்தானா இடையே ஏற்பட்ட மோதலை அடுத்து, இருவரும், பரஸ்பரம் ஊழல் குற்றச்சாட்டுகளை கூறினர். இதையடுத்து, மத்திய அரசு, இருவரது அதிகாரங்களையும் பறித்து, கட்டாய விடுப்பில் அனுப்பியது.

தன்னை கட்டாய விடுப்பில் அனுப்பியதை எதிர்த்து அலோக் வர்மா தொடர்ந்த வழக்கை விசாரித்த உச்ச நீதிமன்றம், மத்திய அரசு பிறப்பித்த உத்தரவு செல்லாது என தீர்ப்பளித்தது. அத்துடன் சி.பி.ஐ., தலைவராக அலோக் வர்மா தொடரலாம் என தெரிவித்திருந்தது. இதனையடுத்து 77 நாட்களுக்கு பிறகு சி.பி.ஐ., தலைவராக அவர் நேற்று (ஜன.,9) பொறுப்பேற்றார்.

இந்நிலையில் இவ்விவகாரம் குறித்து பிரதமர் நரேந்திர மோடி, எதிர்க்கட்சி தலைவர் மல்லிகார்ஜூன கார்கே மற்றும் நீதிபதி சிக்ரி அடங்கிய நியமன குழு ஆலோசனை நடத்தியது. ஆலோசனையின் முடிவில் அலோக் வர்மாவை சி.பி.ஐ., இயக்குனர் பொறுப்பிலிருந்து நீக்க முடிவு செய்யப்பட்டது. இதனையடுத்து அவர் இடமாற்றம் செய்யப்பட உள்ளார். வரும் ஜன.,31ஆம் தேதியுடன் அலோக் வர்மா பணி ஓய்வு பெறும் நிலையில் இந்த அதிரடி முடிவு எடுக்கப்பட்டுள்ளது.

இதை அடுத்து அலோக் வர்மாவு சிபிஐ இயக்குநர் பொறுப்பில் இருந்து நீக்கப்பட்டு, தீயணைப்புத் துறை இயக்குநராக நியமிக்கப் பட்டிருப்பதாக மத்திய அரசு அறிவித்தது.

Recent Articles

4 புதிய நீதிபதிகள் பதவிஏற்பு! முழு பலத்தை அடைந்த உச்ச நீதிமன்றம்!

உச்ச நீதிமன்றத்துக்கு நியமனம் செய்யப்பட்ட தமிழகத்தை சேர்ந்த நீதிபதி ராமசுப்பிரமணியன் உள்பட 4 புதிய நீதிபதிகள் இன்று பதவி ஏற்ற நிலையில் உச்ச நீதிமன்றம் முழு பலத்தை எட்டியுள்ளது.

3வது கட்ட பேச்சுவார்த்தை உடன்பாடு; லாரி நிறுத்த போராட்டம் வாபஸ்.!

லாரிகளுக்கு முறையான வாடகை நிர்ணயம் உள்ளிட்ட கோரிக்கைகளுக்காக நடத்தப்பட்ட போராட்டம் வட்டாட்சியர் தலைமையில் நடந்த 3வது கட்ட பேச்சுவார்த்தையில் உடன்பாடு ஏற்பட்டதால் வாபஸ் பெறப்பட்டதாக கண்டெய்னர் லாரி உரிமையாளர்கள் சங்கத்தினர் தெரிவித்தனர்.

ஆந்திர துணை முதலமைச்சர் நடிகையாகியுள்ளார்!

இந்தப் படத்தின் ஆசிரியர் கதாபாத்திரத்தில் புஷ்பா ஸ்ரீவாணி நடிக்கிறார். இதற்காக விழியநகரம் மாவட்டத்தில் உள்ள கொரடா கிராமத்தில் நடைபெற்ற படப்பிடிப்பில் அவர் கலந்துகொண்டார். இவருடன் விழியநகரம் மாவட்ட ஆட்சித்தலைவரான ஹரிஜவஹர்லாலும் படப்பிடிப்பில் பங்கேற்றார்.

பட்டப்பகலில் மாணவரை வெட்டித் தப்பி ஓட்டம்! தூத்துக்குடியில் பயங்கரம்!

அப்போது, நான்கு இருசக்கர வாகனங்களில் ஹெல்மெட் அணிந்து வந்த கும்பல், கல்லூரி அருகிலேயே அபிமன்யூவை வழிமறித்து அரிவாளால் வெட்டியுள்ளது. இதில் தலை மற்றும் கழுத்தில் பலத்த காயம் அடைந்ததால் சுருண்டு விழுந்த அபிமன்யூ, சம்பவ இடத்திலேயே உயிரிழந்‌தார். இதையடுத்து, அந்த கும்பல் தப்பிச் சென்றது.

மோடி, டிரம்புடன் செல்ஃபி எடுத்த ‘லக்கி பாய்’! இத ஃபேமஸ் நடிகர் சிவகுமாருக்கு காட்டுங்க டோய்!

இன்று டிவிட்டர், பேஸ்புக், இன்ஸ்டாக்ராம் என சமூகத் தளங்களில் வைரலாகியிருக்கிறது அந்த செல்ஃபி. அது குறித்து வீடியோ பதிவும் வைரலாகி வருகிறது.

Related Stories